Popular Bible Verses from MWAMBĨLĨLYO 49

Share

Ndata ya ũsumbĩ ndĩkauma kwa Yuta, O na ndata ya mũsumbĩki ndĩkauma katĩ wa maũũ make, Kũvika yĩla Silo ũkoka; Na kwĩw’awa nĩ ngo sya andũ kũkeethĩwa kwake we.

Yosevu nĩ ũvonge wĩ na ũsyao, Ũvonge wĩ na ũsyao vakuvĩ na nthongo; Nthanzu syake ing’okelaa ũvainĩ. Andũ ma mata nĩmamwĩw’ĩthĩtye woo mũno, Na mamũatha, na kũmũthĩn’ya

Ĩndĩ ũta wake wekala na vinya, Na moko ma itaa syake meekĩwa vinya Nĩ moko ma Ũla Mwene Vinya wa Yakovo (Kuma kũu nĩ ũla mũĩthi, nĩwe ĩvia ya Isilaeli), O kwondũ wa Ngai wa au, ũla ũkakũtethya, Na kwondũ wa Mwene Vinya W’onthe ũla ũkakũathima, Na moathimo ma ĩtunĩ ĩũlũ, Moathimo ma syũngũ ila syĩkalaa ĩtheo, Moathimo ma nondo, na ma ĩvu.

Yuta, nue ũkataĩawa nĩ ana‐a‐au: Kw’oko kwaku kũkakwataa ngingo ya amaitha maku; Ana ma au makakwĩkunamĩasya. Yuta nĩ ĩswii ya mũnyambũ; Nĩwambata, mwana wakwa, kuma nzyĩmanĩ: Amamĩlĩla, oovesya ta mũnyambũ, Na ta mũnyambũ mũka; nũũ ũkamũamũkya?

Leuveni, nue ĩkithathi yakwa, vinya wakwa, na mwambĩlĩlyo wa ũtonyi wakwa; Ũnene wa kũkathwa, na ũnene wa ũtonyi. Mũtheũkangi ta manzĩ, ndũkethĩwa na ũnene; Nĩkwĩthĩwa nĩwatũlile ũkomonĩ wa aũ; Na ĩndĩ woovukya: atũla ũkomonĩ wakwa.