MWAMBĨLĨLYO 49
49
Wathani wa Yakovo ũndũ wa ana make
1Na Yakovo ameta ana make, na amea, Ũmbanai vamwe, nĩmũtavye maũndũ ala makamũkĩtĩkĩa mĩthenya ya mũminũkĩlyo.
2Ũmbanai, na ĩw’ai, inyw’ĩ ana ma Yakovo;
Na mwĩthukĩĩsyei Isilaeli ĩthe wenyu.
3Leuveni, nue ĩkithathi yakwa, vinya wakwa, na mwambĩlĩlyo wa ũtonyi wakwa;
Ũnene wa kũkathwa, na ũnene wa ũtonyi. #Mwa 29.32; Kũt 21.17; 33.6.
4Mũtheũkangi ta manzĩ, ndũkethĩwa na ũnene;
Nĩkwĩthĩwa nĩwatũlile ũkomonĩ wa aũ;
Na ĩndĩ woovukya: atũla ũkomonĩ wakwa. #Mwa 35.22; Kũt 27.20; 1 Mav 5.1.
5Simeoni na Livai nĩ ma ĩthe ũmwe;
Mĩio ya ũng’endu nĩ mbyũ syoo. #Mwa 29.33,34; 34.25,26; Kũt 33.8–11.
6We ngoo yakwa, ndũkalike nzamanĩ yoo;
We ndaĩa yakwa, ndũkalũman’ye na ũmbano woo;
Nũndũ nĩmooaie mũndũ ũthatunĩ woo,
Na nũndũ wa ngũlũ syoo matema nzaũ mũlangũ. #Sav 26.9.
7Nũumanĩwe ũthatu woo, nũndũ waĩ mwai;
Na ũthilĩku woo, nũndũ waĩ ũng’endu:
Ngamaan’ya nthĩnĩ wa Yakovo,
Na kũmanyaĩĩkya katĩ wa Isilaeli. #Yos 19.1,9; 21.1–3; 1 Mav 4.31,38,43.
8Yuta, nue ũkataĩawa nĩ ana‐a‐au:
Kw’oko kwaku kũkakwataa ngingo ya amaitha maku;
Ana ma au makakwĩkunamĩasya. #Mwa 29.35; Kũt 33.7; 1 Mav 5.2.
9Yuta nĩ ĩswii ya mũnyambũ;
Nĩwambata, mwana wakwa, kuma nzyĩmanĩ:
Amamĩlĩla, oovesya ta mũnyambũ,
Na ta mũnyambũ mũka; nũũ ũkamũamũkya? #Mot 24.9; Ũvu 5.5.
10Ndata ya ũsumbĩ ndĩkauma kwa Yuta,
O na ndata ya mũsumbĩki ndĩkauma katĩ wa maũũ make,
Kũvika yĩla Silo ũkoka;
Na kwĩw’awa nĩ ngo sya andũ kũkeethĩwa kwake we. #Mot 24.17; Sav 60.7; 108.8.
11Akyova katena kake mũsavivũnĩ,
Na ndena ya ĩng’oi yake mũsavivũnĩ mũseo;
Nũthambĩtye ngũa syake mbinyunĩ,
Na ngũa yake ndasa nthakamenĩ ya nzavivũ:
12Metho make makeethĩwa me matune nũndũ wa mbinyu,
Na maeo make meũ nũndũ wa ĩia.
13Nzevuluni akekala kĩthũmũonĩ ũkanganĩ;
Nake akeethĩwa e kĩthũmũo kya ngalawa;
Na mũvaka wake ũkeethĩwa Sitoni. #Mwa 30.20; Kũt 13.18.
14Isakali nĩ ĩng’oi yĩ vinya,
Akyoveesya katĩ wa syengo sya malondu: #Mwa 30.18; Kũt 33.18,19.
15Nake oona vandũ va ũthũmũo atĩ nĩ vaseo,
Na nthĩ atĩ nĩyendeesye;
Na akunamya kĩtuo kyake akue,
Na atw’ĩka mũthũkũmi wĩanĩ wĩ vinya.
16Ndani akasilĩla andũ make,
Ta mbaĩ ĩmwe ya Isilaeli. #Mwa 30.6; Kũt 33.22.
17Ndani akeethĩwa nzoka nzĩanĩ,
Kĩmbuva ũendelonĩ,
Ĩla ĩũmaa mbalasi mathaio,
Na kwondũ wa ũu mũtũli wayo akĩvalũka na ngala. #Asi 18.27.
18Ame Yeova, nĩneteelete ũtangĩĩo waku. #Sav 25.5; 62.5; Isa 25.9; Mika 7.7.
19Ngati, nguthu ĩkamũvivinya;
Ĩndĩ akavivinya kĩtiinyo kyayo. #Mwa 30.10,11; Kũt 33.20.
20Kuma kwa Aseli lĩu wake ũkeethĩwa wĩ mũnou,
Nake akaumya kya ũya kĩseo kya kĩũsumbĩ. #Mwa 30.12,13; Kũt 33.24,25.
21Navitali nĩ ndaatai ĩla yathaiw’e:
Aumasya ndeto nzeo. #Mwa 30.7,8; Kũt 33.23.
22Yosevu nĩ ũvonge wĩ na ũsyao,
Ũvonge wĩ na ũsyao vakuvĩ na nthongo;
Nthanzu syake ing’okelaa ũvainĩ. #Mwa 30.23,24; 41.52.
23Andũ ma mata nĩmamwĩw’ĩthĩtye woo mũno,
Na mamũatha, na kũmũthĩn’ya: #Mwa 37.24; 39.20.
24Ĩndĩ ũta wake wekala na vinya,
Na moko ma itaa syake meekĩwa vinya
Nĩ moko ma Ũla Mwene Vinya wa Yakovo
(Kuma kũu nĩ ũla mũĩthi, nĩwe ĩvia ya Isilaeli), #Yovu 29.20; Sav 30.1; 132.2,5; Isa 1.24; 28.16.
25O kwondũ wa Ngai wa au, ũla ũkakũtethya,
Na kwondũ wa Mwene Vinya W’onthe ũla ũkakũathima,
Na moathimo ma ĩtunĩ ĩũlũ,
Moathimo ma syũngũ ila syĩkalaa ĩtheo,
Moathimo ma nondo, na ma ĩvu. #Mwa 35.3,11; Kũt 33.13.
26Moathimo ma au
Nĩmakĩlĩtye vinya mbee wa moathimo ma aasa makwa
Kũvika mũthelelo wa iĩma sya tene na tene:
Makeethĩwa mũtwenĩ wa Yosevu,
Na lolotyanĩ wa ũsu ũla wataanĩtw’e na ana‐a‐ĩthe make. #Kũt 33.15,16.
27Mbenyamini nĩ nzũi ĩla ĩtembũangaa:
Kwakya akaya sya nzyĩma,
Na wĩoo akaaan’ya mũtavo. #Mwa 35.18; Kũt 33.12; Asi 20.21,25.
28Isu syonthe nĩ mbaĩ ĩkũmi na ilĩ sya Isilaeli: na ũu nĩw’o ũla ĩthe woo waneenie nao na amaathima, kĩla ũmwe kwaĩnana na ũathimo wake amaathima.
Kĩkw’ũ na kũthikwa kwa Yakovo
29Na ameaĩa, na amea, Nyie nĩngũmbanw’a vamwe na andũ makwa: mũnthikei vamwe na aasa makwa ngũnganĩ ĩla yĩ kĩsesinĩ kya Eveloni Mũititi, #Mwa 23.9; 25.8; 47.30. 30nguganĩ ĩla yĩ kĩsesinĩ kĩ Makivela, ĩla yĩ mbee wa Mamile, nthĩ ya Kanaani, ĩla Avalaamu wamũthooee Eveloni Mũititi vamwe na kĩsesi vethĩwe vandũ vake va mbũa. #Mwa 23.16–18. 31Kũu mathikie Avalaamu na Sala mũka wake; kũu mathikie Isaka na Leveka mũka wake; na kũu nathikie Lea— #Mwa 23.19; 25.9; 35.29. 32kĩsesi na ngunga ĩla yĩ nthĩnĩ wakyo, ĩla namathooee ana ma Ethi. 33Na yĩla Yakovo waminie kũmeaĩa ana make, aluta maũũ make ũkomonĩ, na aumwa nĩ veva, na oombanw’a vamwe na andũ make. #Meko 7.15.
Currently Selected:
MWAMBĨLĨLYO 49: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
