Popular Bible Verses from MATHAYO 12

Share

Nakwa nĩngũmwĩa, kana kĩla ndeto ya mana ĩla andũ maneenaa, mũthenya wa sila makaumya ũtalo wayo. Nũndũ kwa ndeto syaku ũkatalĩlwa ũlũngalu, na kwa ndeto syaku ũkethĩwa wĩ mũsilĩle.

Inyw’ĩ ũsyao wa nzoka mbai, mũtonya ata kũneena maũndũ maseo, mwĩ athũku? Nũndũ ũla wusũĩte ngoo nĩw’o kanyw’a ũneenaa.

Mũndũ mũseo nĩwumasya maũndũ maseo kyũmbanĩsyonĩ kyake kĩseo; na mũndũ mũthũku nĩwumasya maũndũ mathũku kyũmbanĩsyonĩ kyake kĩthũku.

Kwondũ wa ũu nĩngũmwĩa, Kĩla naĩ na ũumano ikaekewa andũ; ĩndĩ ũumano wa kũmũuma ũla Veva ndũkaekewa andũ.

Seũvyai mũtĩ wĩthĩwe mũseo na ũsyao waw’o wĩthĩwe mũseo; kana seũvyai mũtĩ wĩthĩwe mũthũku na ũsyao waw’o wĩthĩwe mũthũku: nũndũ mũtĩ nũmanyĩkaa nĩ ũsyao waw’o.