Popular Bible Verses from MATHAYO 13

Share

Na ũla ũvuĩĩtwe mũthanganĩ mũseo, ũsu nĩwe ũla wĩw’aa ĩla ndeto, na aimĩmanya; ũsu nĩwe ũsyaa ũsyao, ũmwe aisyaa ĩana, na ũngĩ mĩongo thanthatũ, na ũngĩ mĩongo ĩtatũ.

Na ũla ũvuĩĩtwe miw’anĩ, ũsu nĩwe ũla wĩw’aa ĩla ndeto; na kwĩmakĩa kwa nthĩ, na ũkengani wa ũthwii, ũinyita ĩla ndeto, nake ailea ũsyaa.

Mũndũ o na wĩva eew’a ndeto ya ũsumbĩ, na ndeũmĩmanya, nĩvo ĩndĩ wĩũka ũla mũthũku, akavulya kĩla kĩvuĩĩtwe ngoonĩ yake. Ũsu nĩwe ũla ũvuĩĩtwe ũtee wa nzĩa.

Na ũsu ũvuĩĩtwe mavianĩ, nĩwe ũla wĩw’aa ndeto, na aiosa oyu na ũtanu; ĩndĩ nde na mĩi nthĩnĩ wake, ĩndĩ ekalanga ĩvinda ĩnini; na yĩla thĩna kana ũnyamao wookĩla kwondũ wa ĩla ndeto, oyu ailulutĩka.

Ũsumbĩ wa ĩtu ũilyĩ ta ũthwii mwie ũvithĩtwe mũũndanĩ; ũla mũndũ wonie, na oovithĩĩa; na kwondũ wa ũtanu wake athi na athoosya syĩndũ syonthe ila waĩ nasyo, na athooa mũũnda ũsu.

na ingĩ syavalũka mũthanganĩ mũseo, na syasyaa ũsyao, imwe ĩana, na imwe mĩongo, thanthatũ, na imwe mĩongo ĩtatũ.

Iekei syelĩ syĩane kũvika ngethanĩ: na ĩvinda ya ngetha ngatavya akethi, Mbee ũmban’yai ĩthaaa, mwove mĩio nĩ kana mũvĩvye; ĩndĩ nganũ ũmbanĩsyai ikũmbĩnĩ yakwa.