Popular Bible Verses from MATHAYO 15

Share

Ĩndĩ maũndũ ala maumaa kanyw’anĩ maumaa ngoonĩ; na nĩmo mathũkasya mũndũ. Nũndũ ngoonĩ nĩvo vaumaa malilikano mathũku, maũaani, molaalai, mawathavu, mong’ei, ũkũsĩ wa ũvũngũ, moumano

ti kĩla kĩlikaa kanyw’anĩ kĩthũkasya mũndũ; ĩndĩ nĩ kĩla kyumaa kanyw’anĩ, nĩkyo kũthũkasya mũndũ.

Andũ aa nĩmandaĩaa na ilomo syoo; Ĩndĩ ngoo syoo syĩ kũasa nakwa. Nao manthaithaa ũthaithi wa mana, Makĩmanyĩsya momanyĩsyo, nao nĩ mĩao ya andũ.

Nĩvo Yesũ wasũngĩie, amwĩa, We mũndũ mũka, mũĩkĩĩo waku nĩ mũnene: nĩkwĩkĩke kwaku o ũndũ ũkwenda. Na mwĩĩtu wake avow’a kuma kavinda o kau.

Ĩndĩ ooka amũthaitha, akyasya, Mwĩaĩi, ndethya. Na asũngĩa, asya, Ti ũseo kwosa lĩu wa syana na kwĩkĩsya ngitĩ. Ĩndĩ we asya, Ĩĩ, Mwĩaĩi: ĩndĩ o na ngitĩ niĩsaa tũlungu tũla tũvalũkaa kuma mesanĩ ya mavwana masyo.