Popular Bible Verses from MATHAYO 16

Share

Nĩvo Yesũ wameie amanyĩw’a make, Ethĩwa mũndũ o na wĩva nũnũkwenda kũmbikĩla, nĩelee mwene, na kwĩyaĩkya ngelan’yo yake, na akĩmbikĩla.

Nakwa nĩngũkwĩa, kana nue Vetelo, na ĩvianĩ yĩĩ ngaaka ĩkanisa yakwa; na mbingĩlo sya vala maveva ma akw’ũ mekaala itikayĩkĩlya vinya.

Nakwa ngakũnenga we mbungũo sya ũsumbĩ wa ĩtu: na ũndũ o na wĩva ũla ũkova kũũ nthĩ, ũkethĩwa wĩ wove ĩtunĩ; na ũndũ o na wĩva ũla ũkathasya kũũ nthi, ũkethĩwa wĩ ũthasye ĩtunĩ.

Nũndũ o ũla ũnũkwenda kũvĩtya thayũ wake akawasya: na o ũla ũkawasya thayũ wake kwondũ wakwa akawona ĩngĩ.

Nũndũ mũndũ aunwa nĩ kyaũ, o na akosa nthĩ nima, na akyasya thayũ wake? Kana mũndũ akakũan’ya thayũ wake na kyaũ?

Amea, Ĩndĩ inyw’ĩ mwĩasya nyie nĩ ũũ? Na Simoni Vetelo asũngĩa na asya, We nue Klĩsto, Mwana wa Ngai ũla wĩ thayũ.

Na Yesũ asũngĩa na amwĩa, Wĩ mũathime we, Simoni mwana wa Yona: nĩkwĩthĩwa mwĩĩ na nthakame itikwonetye ũu, ĩndĩ nĩ Asa wakwa ũla wĩ ĩtunĩ.