Popular Bible Verses from MATHAYO 23

Share

Ĩndĩ ũla mũnene mbee katĩ wenyu akeethĩwa e mũthũkũmi wenyu.

Na o ũla ũkenenevya akanyiaw’a; na o ũla ũkenyivya akanenevw’a.

Woo nĩ wenyu, aandĩki na Avalisi, angangan’ya! Nĩkwĩthĩwa nĩmumasya kĩlungu kya ĩkũmi kya mindi na anisi na kumini, na mũitia mũtekĩte maũndũ ala manene ma ĩla mĩao, ũsili wa katĩ, na tei, na mũĩkĩĩo: ĩndĩ asu nĩmwaĩlwe nĩ kũmeka, na ti kũtia asu angĩ mũtamekĩte.

Woo nĩ wenyu, aandĩki na Avalisi, angangan’ya! Nĩkwĩthĩwa mũtheasya kĩkombe na ĩsaani ĩũlũ, ĩndĩ nthĩnĩ syusĩe ũvutani na wendi mũthonoku.

We Yelusaleme, Yelusaleme ũla wũaa athani, na kũmakimanga na mavia ala matũmiwe kwaku! Nĩ mavinda meana nendie kũmban’ya vamwe syana syaku, o ũndũ ngũkũ yũmbanasya tũswii twayo vamwe nthwaunĩ syayo, nenyu mũtyaaĩtĩkĩla!

No ta ũu inyw’ĩ nenyu kũũ ĩũlũ mwonekaa nĩ andũ mwĩ alũngalu, ĩndĩ nthĩnĩ musũĩte wangangan’yo na ũthũku.