MATHAYO 23
23
Yesũ aileana na aandĩki na Avalisi
(MALIKO 12.38–40; Luka 11.37–54; 20.45–47)
1Na ĩndĩ Yesũ aneena na ala makomano na amanyĩw’a make, 2akyasya, Aandĩki na Avalisi nĩmekalĩte kĩvĩlanĩ kya Mose: 3#Mal 2.7,8.maũndũ onthe ĩndĩ o na meva ala mamwĩaĩaa, kwatai na kũmeka: ĩndĩ mĩkĩle yoo mũikamĩke; nũndũ nĩmaneenaa na matyĩkaa. 4Ĩĩ, nĩmovaa mĩio mĩito ĩtakuĩka, na makĩmaĩkya andũ ituonĩ; ĩndĩ mo ene matyĩtĩkĩla kũmyũkĩlya na kyaa kyoo. 5#Mt 6.1; Kuma 13.9; Mot 15.38,39.Ĩndĩ mawĩa moo onthe mekaa nĩ kana moneke nĩ andũ: nũndũ mathanthaasya iawa syoo, na manenevasya ndiivo sya ngũa syoo, 6#Lk 14.7; Mt 6.5.na nĩmendaa vandũ va mbee mbokanĩ, na ivĩla sya mbee masinakokenĩ, 7na kũkethw’a ing’ang’anĩ, na kwĩtwa Lavai nĩ andũ. 8Ĩndĩ inyw’ĩ mũiketwe Lavai: nũndũ mũmanyĩsya wenyu nĩ ũmwe, na inyw’onthe mwĩ ana ma ĩthe ũmwe. 9Na mũikamwĩte mũndũ o na wĩva ĩthe wenyu kũũ nthĩ: nũndũ Ĩthe wenyu nĩ ũmwe, ũla wĩ ĩtunĩ. 10O na mũiketwe eaĩi: nũndũ mwĩaĩi wenyu nĩ ũmwe, nĩwe Klisto. 11#Mt 20.26,27.Ĩndĩ ũla mũnene mbee katĩ wenyu akeethĩwa e mũthũkũmi wenyu. 12#Nth 29.23; Yovu 22.29; Esek 21.26; Lk 18.14; 1 Vet 5.5.Na o ũla ũkenenevya akanyiaw’a; na o ũla ũkenyivya akanenevw’a.
13Ĩndĩ woo nĩ wenyu, aandĩki na Avalisi, angangan’ya! Nĩkwĩthĩwa nĩmũmavingĩaa andũ ũsumbĩ wa ĩtu: nũndũ inyw’ĩ ene mũtĩũvota, o na mũtiũmaeka ala meũvota, mavote.
14Woo nĩ wenyu, aandĩki na Avalisi, angangan’ya! Nĩkwĩthĩwa nĩmũĩsaa nyũmba sya aka ndiwa, na nũndũ wa ũkengani nĩmũasavasya mboya: kwondũ wa ũu mũkona ũsilĩlo mũnene mbee.
15Woo nĩ wenyu, aandĩki na Avalisi, angangan’ya! Nĩkwĩthĩwa mũthyũlũlũkaa ũkanga na nthĩ nĩ kana mwone mũvikĩli ũmwe; na ooneka, nĩmũũmũtw’ĩkĩthya mwana wa Ngiena kũthonoka inyw’ĩ ene kũndũ kwĩlĩ.
16 #
Mt 15.14. Woo nĩ wenyu, inyw’ĩ atongoi mũte metho, ala mwaasya, O ũla ũkevĩta na ĩkalũ, ti kĩndũ; ĩndĩ o ũla ũkevĩta na thaavu wa ĩkalũ, nĩwe wĩ na thiĩ. 17Inyw’ĩ ndia na ililinda: nũndũ kĩla kĩnene nĩ kĩva, thaavu kana ĩkalũ yĩla yĩtheasya thaavu? 18Na, O ũla ũkevĩta na kĩthembeo, ti kĩndũ; ĩndĩ o ũla ũkevĩta na nthembo ĩla yĩ ĩũlũ wakyo, nĩwe wĩ na thiĩ. 19#Kuma 29.37.Inyw’ĩ ililinda: nũndũ kĩla kĩnene nĩ kĩva, nthembo, kana kĩthembeo kĩla kĩtheasya nthembo? 20We ĩndĩ ũla wĩvĩtaa na kĩthembeo, nĩwĩvĩtaa nakyo, na syĩndũ syonthe ila syĩ ĩũlũ wakyo. 21Na ũla wĩvĩtaa na ĩkalũ, nĩwĩvĩtaa nayo, na kwa ũla wĩkalaa nthĩnĩ wayo. 22#Mt 5.34.Na ũla wĩvĩtaa na ĩtu nĩwĩvĩtaa na kĩvĩla kya ũsumbĩ kya Ngai na kwa ũla ũkĩkalĩlaa.
23 #
Ali 27.30; Mika 6.8. Woo nĩ wenyu, aandĩki na Avalisi, angangan’ya! Nĩkwĩthĩwa nĩmumasya kĩlungu kya ĩkũmi kya mindi na anisi na kumini, na mũitia mũtekĩte maũndũ ala manene ma ĩla mĩao, ũsili wa katĩ, na tei, na mũĩkĩĩo: ĩndĩ asu nĩmwaĩlwe nĩ kũmeka, na ti kũtia asu angĩ mũtamekĩte. 24Inyw’ĩ atongoi mũte metho, ala mũkelaa ũmuu, na mũimelya ngamĩle!
25 #
Mko 7.4. Woo nĩ wenyu, aandĩki na Avalisi, angangan’ya! Nĩkwĩthĩwa mũtheasya kĩkombe na ĩsaani ĩũlũ, ĩndĩ nthĩnĩ syusĩe ũvutani na wendi mũthonoku. 26#Tito 1.15; Yoa 9.40.We Mũvalisi ũte metho, amba ũthesya nthĩnĩ wa kĩkombe na wa ĩsaani, nĩ kana yĩthĩwe yĩ ĩtheu ngalĩ ya ĩũlũ nayo.
27 #
Meko 23.3. Woo nĩ wenyu, aandĩki na Avalisi, angangan’ya! Nĩkwĩthĩwa mũilyĩ ta mbũa ivakĩtwe sokaa, ila syonekaa syĩ nzeo kũũ ĩũlũ, ĩndĩ nthĩnĩ syusĩe mavĩndĩ ma akw’ũ, na ũvuku w’onthe. 28#Lk 16.15.No ta ũu inyw’ĩ nenyu kũũ ĩũlũ mwonekaa nĩ andũ mwĩ alũngalu, ĩndĩ nthĩnĩ musũĩte wangangan’yo na ũthũku.
29Woo nĩ wenyu, aandĩki na Avalisi, angangan’ya! Nĩkwĩthĩwa nĩmwakaa mbũa sya athani, na kwanakavya mbũa sya ala alũngalu, 30na mũkyasya, Kethĩwa ithyĩ twaĩ kw’o ĩvinda ya aasa maitũ, tũiĩthĩwa twaĩ na mũamba nao nthakamenĩ ya athani. 31#Meko 7.52.Kwondũ wa ũu nĩmwĩkũsĩĩĩte, kana inyw’ĩ mwĩ ana ma ala mooaie athani. 32Usũsyai ĩndĩ kĩthimi kya aaĩthe menyu. 33#Mt 3.7.Inyw’ĩ nzoka, ũsyao wa syĩko, mũkakĩa ata ũsilĩlo wa Ngiena? 34#Mt 13.52; 10.23; 1 Ath 2.15.Kwondũ wa ũu, sisyai, nyie nĩngũtũma kwenyu athani na andũ oĩ, na aandĩki: amwe moo mũkamoaa na kũmamba ngelan’yonĩ; na amwe moo mũkamavũĩa masinakokenĩ menyu, na kũmalũngya ndũa na ndũa: 35#Mwa 4.8; 2 Mav 24.20,21.nĩ kana yũke ĩũlũ wenyu nthakame yonthe ya alũngalu ĩla yetĩkie kũũ nthĩ, kuma nthakame ya Aveli ũla mũlũngalu kũvika nthakame ya Nzakalia mwana wa Valakia, ũla mwooaĩe katĩ wa vala vandũ vatheu na kĩthembeo. 36Nĩ w’o nĩngũmwĩa, Maũndũ aa onthe makavikĩa ũsyao ũũ.
Yesũ akĩw’a woo mũnene nũndũ wa wanangĩko wa Yelusaleme ũla wũkĩte,
(Luka 13.34,35)
37 #
Lk 13.34,35; Meko 7.59; 1 Ath 2.15. We Yelusaleme, Yelusaleme ũla wũaa athani, na kũmakimanga na mavia ala matũmiwe kwaku! Nĩ mavinda meana nendie kũmban’ya vamwe syana syaku, o ũndũ ngũkũ yũmbanasya tũswii twayo vamwe nthwaunĩ syayo, nenyu mũtyaaĩtĩkĩla! 38#Yel 22.5; 12.7; 1 Asu 9.7,8.Sisyai, nyũmba yenyu nĩtiĩtwe yĩ nthei. 39#Mt 21.9; Sav 118.26.Nũndũ nĩngũmwĩa, Mũikambona ĩngĩ nongi, mũvaka yĩla mũkasya, Nĩ mũathime ũla wũkĩte syĩtwanĩ ya Mwĩaĩi.
Currently Selected:
MATHAYO 23: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
