Popular Bible Verses from MALIKO 10

Share

Nũndũ o na Mwana wa mũndũ nake ndaaũka kũthũkũmwa, ĩndĩ nĩ kũthũkũma, na kũnengane thayũ wake wĩthĩwe wovosyo kwondũ wa aingĩ.

Na Yesũ amasisya, amea, Kwa andũ ndũtonyeka, ĩndĩ kwa Ngai ti ũu: nũndũ maũndũ onthe nĩmatonyeka kwa Ngai.

Na Yesũ amwĩa, Enda; mũĩkĩĩo wakũ nĩwakũvosya. Na oyu anengwa kwona, na amũatĩĩa Yesũ nzĩanĩ.

Ĩndĩ ala Ngai ũlũmanĩtye, mũndũ ndakamataan’ye.

Na Yesũ aimũsisya amwenda, na amwĩa, Ve ũndũ ũmwe ũtiele: thi, ũkathoosye o ila wĩ nasyo, ũnenge ngya, na ũkethĩwa na ũthwii ĩtunĩ: na ĩndĩ ũkyũka, ũngatĩĩe.

Na Yesũ amũsũngĩa, asya, Wĩenda ngwĩke ata? Na ũsu kĩlilinda amwĩa, Lavai, nĩenda kwona.

Ĩndĩ ũu tiw’o katĩ wenyu: ĩndĩ o ũla ũkwenda kwĩthĩwa e mũnene katĩ wenyu, akeethĩwa e mũthũkũmi wenyu

Nĩ w’o nĩngũmwĩa, O ũla ũtosaa ũsumbĩ wa Ngai ta kana kanini, ndakalika vo nongi.

Ĩndĩ aingĩ me mbee makethĩwa me ĩtina; na ala me ĩtina makethĩwa me mbee.

Ĩndĩ kuma mwambĩlĩlyonĩ wa syĩndũ kũmbwa, Ngai oombie mũũme na mũka. Kwondũ wa ũu mũndũ akatia ĩthe na nyinyia, na akalũman’ya na mũka wake; namo elĩ makeethĩwa mwĩĩ ũmwe: o na maikethĩwa me elĩ ĩngĩ, ĩndĩ nĩ mwĩĩ ũmwe.