Popular Bible Verses from MALIKO 11

Share

Kwondũ wa ũu nĩngũmwĩa, Maũndũ onthe o ala mũkwĩtya mũkĩvoya, ĩtĩkĩlai kana nĩmũũmosa na mũkeethĩwa mwĩ namo.

Nĩ w’o nĩngũmwĩa. O ũla ũkatavya kĩĩma kĩĩ, Kuwa nokĩkw’a ũkanganĩ; o na ndakethĩwa na nzika ngoonĩ yake, ĩndĩ akĩtĩkĩla kana ũndũ ũnũkwasya nũkwĩkwa; ũsu akeekwa ũu.

Na o yĩla mũkũũngama, mũkĩvoya, mũekeei, ethĩwa mwĩ ũndũ na mũndũ; nĩ kana Ĩthe wenyu ũla wĩ ĩtunĩ amũekee inyw’ĩ mavĩtyo menyu.

Na Yesũ asũngĩa, amea, Ĩthĩwai na mũĩkĩĩo wa Ngai.

Na amamanyĩsya aimea, Kũiandĩkĩtwe, Nyũmba yakwa ĩkeetwa nyũmba ya ũvoyea nĩ mbaĩ syonthe? Ĩndĩ inyw’ĩ mũmĩtw’ĩte ngunga ya avutani.

Na ala maendie mbee, na ala maĩ ĩtina, mookĩlya wasya mũnene, makyasya, Hosana; nĩ mũathime ũla wũkĩte syĩtwanĩ ya Mwĩaĩi

Nĩ mũathime ũsumbĩ ũla wũkĩte, ũsumbĩ wa asa waitũ Ndaviti: Hosana, ku ĩũlũ mũno.