Popular Bible Verses from Kũt 4

Share

Ĩndĩ ethĩwa mwĩ kũu mũkamũmantha Mwĩai Ngai, Ngai wenyu mũkamwona, mwamũmantha na ngoo na thayũ wenyu w'onthe.

Mwĩai Ngai, Ngai wenyu nĩ Ngai wĩ tei. Ndakamũtia kana kũmũmina, o na ndakolwa nĩ ũtianĩo ũla we mwene waseũvisye na aaũmae menyu, na aũĩkĩĩthya kwa kwĩvĩta.

nũndũ Mwĩai Ngai, Ngai wenyu nĩ ta mwaki ũla ũvĩvasya vyũ, na ndetĩkĩla kũthaithanĩw'a na ngai ingĩ.

Ĩsũvĩei mũno mũikolwe nĩ maũndũ onthe ala mwonete na metho menyu, kana kũmaeka maume ngoonĩ syenyu ĩvinda o na yĩmwe ya thayũ wenyu. Manyĩasyai syana, na nzũkũlũ syenyu maũndũ asu.

Kwoou lilikanai ũmũnthĩ, na mũikaaũlwe kana Mwĩai Ngai nĩwe Ngai ĩtunĩ na kũũ nthĩ. Kũi ũngĩ take.

“Vai mbaĩ ĩngĩ ya andũ o na ethĩwa ĩnenevete ata, yĩna ngai yĩ vakuvĩ namo yĩla mekwenda ĩmatetheesye ta ũndũ Mwĩai Ngai, Ngai waitũ wĩ vakuvĩ naitũ. Nũtũsũngĩaa ĩvinda yonthe yĩla twamwĩkaĩla atũtetheesye.

Yĩla mwĩ thĩnanĩ na maũndũ asu onthe maimũkwata, nĩvo mwĩmũsyokea Mwĩai Ngai, Ngai wenyu na kũmwĩw'a.

Mũikongele kana kũola kĩndũ mĩaonĩ ĩla ngũmwĩaĩa, ĩndĩ ĩanĩasyai mĩao ya Mwĩai Ngai, Ngai wenyu ĩla ngũmũnenga.