Popular Bible Verses from Kũt 5

Share

“ ‘Nenga ĩthe waku na inyia waku ndaĩa, ũndũ nyie Mwĩai Ngai, Ngai waku nĩkwĩaĩĩte, nĩ kana wĩkale thayũ ĩvinda ĩasa na kwona ũseo wĩ nthĩ ĩla nyie ngũũnenga.

Ĩanĩsyai mĩao ĩsu yonthe nĩ kana maũndũ menyu onthe maendee nesa, na o ta ũu nĩ kana mũendee kwĩkala nthĩ ĩla mũendete kũlika mũmesye.

Ndũkathaithe mũvw'anano o na wĩva kana kũũthũkũma, nũndũ ninyie Mwĩai Ngai, Ngai waku na ndyĩtĩkĩla kũthaithanĩw'a na ngai ĩngĩ. Nĩnganasya ala matambendete na nzyawa syoo, o na kũthi kũvika nzyawa ya katatũ na ya kana. Ĩndĩ ala mambendete na mekaa ũndũ mĩao yakwa ĩkwasya, nĩnĩmonasya wendo kũthi kũvika nzyawa ngili mbingĩ.

“ ‘Ndũkeseũvĩsye mwene mũvw'anano wa kwasũvya, kana mũvw'ano wa kĩndũ o na kĩva kĩ ĩũlũ ĩtunĩ, kĩ kũũ nthĩ, kana kĩ kĩw'ũnĩ ungu wa nthĩ.

“ ‘Ndũkethĩwe na ngai ingĩ ate o nyie.

“ ‘Ndũkawete ĩsyĩtwa yakwa mana nũndũ nyie Mwĩai Ngai ndikalea kũkany'a mũndũ ũla ũwetaa ĩsyĩtwa yakwa mana.

Nenda kethĩwa andũ asu nĩmaendeea kwĩthĩwa na kĩkĩo ta kĩu kũla nĩĩ na kũatĩĩa mĩao yakwa yonthe kĩla ĩvinda, mo na nzyawa syoo methĩwa me vaseo ĩvindanĩ yonthe yĩla yũkĩte.

“ ‘Lilikana mũthenya wa Savato ũwĩkalye wĩ mũtheu, o tondũ nyie Mwĩai Ngai, Ngai waku nakwĩaĩie.

“ ‘Ndũkew'ĩe kĩveti kya mũtũi waku ĩtomo; o na ndũkew'ĩe mũsyĩ wake ĩtomo, mũũnda wake, mũthũkũmi wake wa mũndũ-ũme kana wa mũndũ mũka, ng'ombe yake, ĩng'oi yake, kana kĩndũ o na kĩva kya mũtũi waku.’

“ ‘Ndũkalaalae.

“ ‘Ndũkanengane ũkũsĩ wa ũvũngũ ĩũlũ wa mũtũi waku.

“ ‘Ndũkoae mũndũ.

“ ‘Ndũkoye.

Ndũkolwe kana we waĩ ngombo nthĩ ya Misili nakwa nyie Mwĩai Ngai, Ngai waku nakumya nthĩ ĩsu na vinya na ũtonyi wakwa mũnene. Kĩu nĩkyo kĩtumi nyie Mwĩai Ngai, Ngai waku, nakwĩaĩe ũlilikanae mũthenya wa Savato.

Wĩna mĩthenya thanthatũ ya kũtethya wĩa waku, ĩndĩ mũthenya wa mũonza nĩ mũthenya wa kũthũmũa ũvathĩtwe kwondũ wakwa nyie Mwĩai Ngai. Mũthenyanĩ ũsu, ndũkatethye wĩa o na ũmwe, we mwene, mwana waku, mwĩĩtu waku, mũthũkũmi waku wa mũndũ-ũme kana wa mũndũ mũka, ng'ombe yaku, ĩng'oi yaku, kana indo syaku o na syĩva, kana mũeni ũla wĩ kwaku. Athũkũmi maku no nginya mathũmũe o ũndũ we ũthũmũĩte.

“ ‘Ninyie Mwĩai Ngai, Ngai waku ũla wakumisye nthĩ ya Misili kũla wekalaa wĩ ngombo.