Popular Bible Verses from Kũt 7

Share

Lilikanai kana Mwĩai Ngai, Ngai wenyu, nĩwe Ngai; nĩ Ngai mũĩkĩĩku na nĩwonanasya wendo wake ũtaalyũkaa kwa nzyawa mbingĩ sya ala mamwendete na kũkwata mĩao yake.

Ĩkai ũu nĩkwĩthĩwa mwĩ ma Mwĩai Ngai, Ngai wenyu. Kuma andũnĩ ala angĩ onthe ĩũlũ wa nthĩ, nĩwamũnyuvie mwĩthĩwe andũ make ma mwanya.

Ĩndĩ amũnyuvie nũndũ nĩwamwendete na nĩwendaa kwĩanĩsya ũtianĩo ũla waseũvisye na aaũmae menyu. Kĩu nĩkyo kyatumie Mwĩai Ngai amwovosya na vinya wake mũnene na kũmũthasya kuma kwa Valao mũsumbĩ wa Misili, kũla mwekalaa mwĩ ngombo.

“Mwĩai Ngai ndaamwenda na kũmũnyuva nĩkwĩthĩwa mwaĩ aingĩ mbee wa andũ ma mbaĩ ila ingĩ; ninyw'ĩ mwaĩ mbaĩ ĩla nini vyũ ĩũlũ wa nthĩ.

Mũkeethĩwa mwĩ aathime kwĩ andũ ma mbaĩ ila ingĩ syonthe; vai ũmwe katĩ wenyu wĩĩthĩwa atatonya kũsyaa, na vai ĩmwe ya nyamũ sya mĩsyĩ yenyu yĩĩthĩwa ĩtatonya kũsyaa.