Popular Bible Verses from Kũt 8

Share

Lilikanai kana Mwĩai Ngai, Ngai wenyu nĩwe ũmũnengae ũtonyi wa kũkwata ũthwii. Ekaa ũu nĩ kana alũlũmĩĩlye ũtianĩo ũla waseũvisye na aaũmae menyu.

Nĩwamũnyivisye na atuma mũkwatwa nĩ nzaa, na ĩndĩ amũnenga ũla lĩu wĩtawa mana mũye. Vai ũmwe wenyu kana aaũmae menyu waĩ aaya lĩu ũsu. Eekie ũu nĩ kana amũmanyĩthye kana mũndũ ndatũaw'a thayũ nĩ lĩu w'oka, ĩndĩ nĩ vamwe na kĩla ndeto ĩneeneetwe nĩ Mwĩai Ngai.

Lilikanai ũndũ Mwĩai Ngai, Ngai wenyu wamũtongoeisye kyalonĩ kĩu kĩasa mwĩsĩlĩte weũnĩ vandũ va myaka mĩongo ĩna. Nĩwamũeteie maũndũ me vinya amũnyivye na aimũtata, nĩ kana amanye kĩla kyaĩ ngoonĩ syenyu, na kana nĩmweeyũmbanĩtye kwĩanĩsya mĩao yake.

Kwoou ĩndĩ mũyaĩlĩte kũsũanĩa kana ninyw'ĩ mũtumĩte mwĩthĩwa mwĩ athwii kwa ũtonyi na vinya wenyu ene.

“Ĩsũvĩei mũikese kũlwa nĩ Mwĩai Ngai, Ngai wenyu kwa kũlea kũatĩĩa mĩao, myamũlo na motw'ĩo make ala ngũmũnenga ũmũnthĩ.

Manyai kana Mwĩai Ngai, Ngai wenyu amũkanasya o ũndũ mũndũ ũkanasya mwana wake.

Mwamina kũya na kũvũna, tũngĩai Mwĩai Ngai, Ngai wenyu mũvea nũndũ wa nthĩ ĩsu nzeo ũmũnengete.

Kwoou ĩndĩ ĩkai ũndũ mĩao ya Mwĩai Ngai ĩkwasya, na mũyĩkaa maũndũ ala mamwendeeasya na kwĩthĩwa mwĩ na kĩkĩo kyake.

Yĩla mwaĩ weũnĩ nĩwamũnengie lĩu wĩtawa mana mũye, ũla aaũmae menyu mataaya. Amwĩkie ũu nĩ kana mwĩthĩwe na wĩnyivyo na aimũtata nĩ kana ĩtina wa ũu amũathime kwa kũmũnenga syĩndũ nzeo.

Mwamina kũkwata lĩu ũmwĩanĩe na kwaka nyũmba nzeo sya kwĩkalaa, na o ta ũu ng'ombe syenyu, mbũi na malondu, silĩva wenyu na thaavu o vamwe na syĩndũ ila ingĩ syenyu syaingĩva, mũikambĩĩe kwĩkathĩĩa na kũlwa nĩ Mwĩai Ngai, Ngai wenyu ũla wamumisye nthĩ ya Misili kũla mwekalaa mwĩ ngombo.

Mwĩai Ngai, Ngai wenyu nũkũmũtwaa nthĩ nthwii na nou. Nthĩ ĩsu yĩ tũlũsĩ twĩ kĩw'ũ, nthongo na ithima ivĩtĩlĩtye kĩw'ũ kyasyo myandanĩ na iĩmanĩ. Nthĩ ĩsu yĩ nganũ, mũthemba ũngĩ wa nganũ yĩtawa mbaale, yĩ nzavivũ, mĩkũyũ, makũngũmanga, mĩtĩ ya mĩthata na ũkĩ wa nzũkĩ. Mwĩ nthĩ ĩsu mũkaĩsaa lĩu mũkavũna, na mũikanyivĩwa nĩ kĩndũ. Mavia ma nthĩ ĩsu methĩawa na kyũma na nĩmũtonya kwĩnza kyũma kya langi mũtune kuma iĩmanĩ syayo.

“Ĩthĩwai na kĩthito kwĩanĩsya mĩao yonthe ĩla ngũmũnenga ũmũnthĩ, nĩ kana mũendee kwĩkala thayũ na kwongeleka, na mũilika mũmesye nthĩ ĩla Mwĩai Ngai wathie aaũmae menyu.

Ĩvindanĩ yĩu ya myaka mĩongo ĩna, ngũa syenyu iyaatembũkanga o na maũũ menyu mayaaimba.

Nĩwamũtongoeisye kwĩsĩla ũla weũnĩ mũnene waĩ na w'ĩa na nzoka syĩ sumu, na o ta ũu waĩ na ing'auĩ. Mwĩ nthĩ ĩsu nyũmũ na ĩtaĩ kĩw'ũ, Mwĩai Ngai nĩwatumie kĩw'ũ kyuma ĩvianĩ kwondũ wenyu.