Popular Bible Verses from Kuma 15

Share

Nĩwameie atĩĩ, “Ethĩwa mũkambĩw'aa vyũ kwa kwĩka maũndũ ala maĩlu kwakwa na kwĩka ũndũ mĩao yakwa ĩkwasya na kwĩanĩsya motw'ĩo makwa, ndikamũsilĩla kwa kũmũetee mowau ala naeteie andũ ma Misili. Ninyie Mwĩai Ngai ũla ũmũvoasya.”

Mwĩai Ngai nĩwe ũmbũkitĩaa; nĩwe wandangĩĩa. Nĩwe Ngai wakwa, nakwa nĩngũmũtaĩa, nĩ Ngai wa ĩthe wakwa, na nĩngwina ĩũlũ wa ũnene wake.

“Nũũ katĩ wa ngai ila ingĩ ũilyĩ taku we Mwĩai Ngai. Nũũ ũilyĩ taku, ũtheu waku nĩ wa kũseng'ya, ũkumyo waku nĩ wa kũkĩwa, na wĩkaa maũndũ ma kũseng'ya?

Kwa wendo waku mwingĩ, nũũtongoesya andũ ala watangĩĩa; kwa vinya waku nũũmatongoesya malike wĩkalonĩ waku mũtheu.

Nĩmavikie vandũ vetawa Mala, ĩndĩ kĩw'ũ kĩla meethĩie vau kyaĩ wũũ ũkethĩa maitonya ũkĩnyw'a. Kĩu nĩkyo kĩtumi vandũ vau vetawa Mala. Andũ nĩmanyungunyĩisye kũla kwĩ Mwose na mamũkũlya atĩĩ, “Twĩnyw'a kyaũ?” Mwose nĩweekaĩlile Mwĩai Ngai, nake amwony'a kĩlungu kya mũtĩ. Mwose nĩwakyosie akĩkya kĩw'ũnĩ kĩu nakyo kyeethĩwa kĩ kĩseo kwa kũnyuwa. Vau Mwĩai Ngai nĩwamanengie motw'ĩo na myamũlo ya ũndũ maĩlĩte kwĩkalaa, na vau amatata ũndũnĩ ũsu.