Popular Bible Verses from Kuma 20

Share

“Nyie ninyie Mwĩai Ngai, Ngai waku ũla wakumisye nthĩ ya Misili, kũla wekalaa wĩ ngombo. “Ndũkethĩwe na ngai ingĩ ate o nyie.

“Ndũkeseũvĩsye mũvw'anano wa kwasũvya, kana mũvw'ano wa kĩndũ o na kĩva kĩ ĩũlũ ĩtunĩ, kĩ kũũ nthĩ, kana kĩ kĩw'ũnĩ ungu wa nthĩ. Ndũkathaithe mũvw'anano o na wĩva kana kũũthũkũma, nũndũ ninyie Mwĩai Ngai, Ngai waku na ndyĩtĩkĩla kũthaithanĩw'a na ngai ĩngĩ. Nĩnganasya ala matambendete na nzyawa syoo, o na kũthi kũvika nzyawa ya katatũ na ya kana.

“Nenga ĩthe waku na inyia waku ndaĩa, nĩ kana wĩkale thayũ ĩvinda ĩasa wĩ nthĩ ĩla nyie Mwĩai Ngai, Ngai waku ngũũnenga.

“Lilikana mũthenya wa Savato ũwĩkalye wĩ mũtheu.

“Ndũkawete ĩsyĩtwa yakwa mana, nũndũ nyie Mwĩai Ngai ndikalea kũkany'a mũndũ ũla ũwetaa ĩsyĩtwa yakwa mana.

Wĩna mĩthenya thanthatũ ya kũtethya wĩa waku, ĩndĩ mũthenya wa mũonza nĩ mũthenya wa kũthũmũa, ũvathĩtwe kwondũ wakwa nyie Mwĩai Ngai. Mũthenyanĩ ũsu ndũkatethye wĩa o na ũmwe; we mwene, mwana waku, mwĩĩtu waku, mũthũkũmi waku wa mũndũ-ũme kana wa mũndũ mũka, indo syaku, kana mũeni ũla wĩ kwaku.

“Ndũkew'ĩe mũsyĩ wa mũtũi waku ĩtomo; ndũkew'ĩe kĩveti kya mũtũi waku ĩtomo, kana mũthũkũmi wake wa mũndũ-ũme, kana wa mũndũ mũka, ng'ombe yake, ĩng'oi yake, kana kĩndũ o na kĩva kya mũtũi waku.”

“Ndũkanengane ũkũsĩ wa ũvũngũ ĩũlũ wa mũtũi waku.

“Ndũkalaalae.

“Ndũkoae mũndũ.

“Ndũkoye.