Popular Bible Verses from Kuma 32

Share

Yĩla andũ moonie kana Mwose nĩwekala mũno atanatheea kuma Kĩĩmanĩ kya Sinaĩ, nĩmaendie moombanĩlĩĩla Alũni na mamwĩa atĩĩ, “Ũkĩla ũtũseũvĩsye ngai ila ikatũtongoeasya, nũndũ tũyĩsĩ mũndũ ũsu ũkwĩtwa Mwose ũla watumisye nthĩ ya Misili akwatĩtwe nĩ ũndũ mwaũ.”

Mwĩai Ngai nĩwaneenie na Mwose amwĩa atĩĩ, “Theea mĩtũkĩ nũndũ andũ maku, ala waũmisye kuma nthĩ ya Misili nĩmevukĩtye. Nĩmatiĩte nzĩa ĩla nameaĩie maatĩĩae. Nĩmaseũvĩtye kasalũ kuma thaavunĩ mũtheũkye, makakathaĩtha, na kũkaumĩsya nthembo. Maendee na kwasya kana kasalũ kau nĩko ngai woo ũla wamatongoeisye kuma nthĩ ya Misili.

Yĩla Alũni woonie ũu, nĩwaakie kĩthembeo mbee wa kasalũ kau. Alũni nĩwaneenie asya atĩĩ, “Ũnĩ kũkeethĩwa mboka kwondũ wa Mwĩai Ngai.” Ũnĩ ũsu kwakya tene, andũ asu nĩmaetie nyamũ sya nthembo sya kũvĩvw'a, na ingĩ sya kũya ta nthembo ya ngwatanĩo. Andũ asu nĩmekalile nthĩ matanĩe mboka ĩsu, ĩla yavĩndũkie yatw'ĩka mboka ya ũnywi na kwĩka ũlaalai.

Ũnĩ ũsu, Mwose nĩweeie andũ atĩĩ, “Nĩmwĩkĩte naĩ nene mũno. Ĩndĩ yu nĩngwambata ĩngĩ kĩĩmanĩ kũla kwĩ Mwĩai Ngai, nĩvatonyeka ngamwĩtĩsya ũekeo kwondũ wa naĩ yenyu.”