Popular Bible Verses from Ali 26

Share

Ngeethĩawa vamwe nenyu; ngeethĩwa Ngai wenyu, nenyu mũyĩthĩwa andũ makwa.

ngamuĩsya mbua ĩvindanĩ ya yo, nĩ kana mĩũnda yenyu yĩthĩwe na ngetha na mĩtĩ ĩisyaa matunda mayo.

“Mweeka ũndũ motw'ĩo makwa mekwasya, na kwĩanĩsya mĩao yakwa

“Ngaete mũuo nthĩ yenyu na mũkakomaa mũteũkĩa mũndũ o na wĩva. Ngavetanga nyamũ nthũku sya kĩthekanĩ kuma nthĩ yenyu, na nthĩ ĩsu ndĩkethĩawa na kaũ o na vanini.

Ngamũathima na kũtuma mũkwata syana mbingĩ mwĩthĩwe mwĩ aingĩ. Ngalĩkonĩ ĩla yakwa ngeanĩsya ũtianĩo wakwa nenyu.

Ninyie Mwĩai Ngai, Ngai wenyu ũla wamumisye nthĩ ya Misili nĩ kana mũikaendee kwĩthĩwa mwĩ ngombo sya andũ ma nthĩ ĩsu. Nĩnaanangie ũkũmũ ũla waĩ ĩũlũ wenyu, na natuma mwambĩĩa kũthi mũtekũkĩa mũndũ o na ũmwe.”

Ngekalanasya nenyu, na ndikamũlea o na ĩndĩĩ.

Mwĩai Ngai nĩwaneenie asya atĩĩ, “Mũikeseũvĩsye ngai sya mĩvw'anano, kana kwasũvya mavisa masyo, kana ituĩ sya mavia, o na mũikasũvye mavia mũmathaithe. Ninyie Mwĩai Ngai, Ngai wenyu.

Mũkeethĩawa na ngetha mbingĩ ũkethĩa no mwĩkale na lĩu ũsu vandũ va mwaka mũima, o na mũyĩsa kwĩkya ũmwe ĩtheka wa ngetha ĩla ngũũ yĩĩthĩwa ĩtialĩte nĩ kana mwone vala mũkwĩkĩa ngetha ĩla nzaũ.

Andũ menyu atano makeethĩawa matonya kũsinda amaitha ĩana, na andũ ĩana mayĩthĩwa matonya kũsinda amaitha ngili ĩkũmi, na mũkooaĩaa amaitha menyu kaũnĩ.

Mĩũnda yenyu ĩkeethĩawa na lĩu mwingĩ wĩthĩe mũendee na kũketha ngetha ya mbaa mbeke ĩvindanĩ ya kũketha nzavivũ, na mũiendeea kũketha nzavivũ ĩvindanĩ ya kũvanda mbeũ syenyu mĩũndanĩ. Mũkeethĩawa mwĩ na lĩu ũmwĩanĩe, na kũtũaa nthĩ yenyu mwĩ ũsũvĩonĩ.

Mũkasindaa amaitha menyu mwĩ kaũnĩ, na kũmoaa.

Ĩanĩsyai mwĩao wa Savato, na kũnenga ndaĩa vandũ vala nĩthaithĩawa. Ninyie Mwĩai Ngai.