Popular Bible Verses from Mot 13

Share

Ĩndĩ Kalevu nĩwakilĩthisye andũ asu maĩ vakuvĩ na Mwose na amea atĩĩ, “Yu twaĩlĩte kũthi kũkita na tũyosa nthĩ ĩsu; twĩ na ũtonyi wa kũsinda andũ mayo.”

O na nĩtwonie ala andũ anene mũno kw'o metawa Nevilimu, ila nzyawa sya Anaki. Twĩĩw'aa twĩ anini ta itooli, namo no nginya methĩwe meũtwonaa tũilyĩ ũu.”

Ĩndĩ andũ ala maendanĩtye na Kalevu nĩmaisye atĩĩ, “Aiee, tũi na ũtonyi wa kũkita na andũ asu; andũ ma nthĩ ĩsu me na ũtonyi mwingĩ kwĩ ithyĩ.”

Kwoou atongoi asu nĩmambĩĩie kũnyaĩĩkya ndeto sya ũvũngũ andũnĩ ala angĩ ma Ĩsilaeli ĩũlũ wa nthĩ ĩsu maendete kũmanya kwa kĩmbithĩ ũndũ ĩilyĩ. Nĩmameie atĩĩ, “Nthĩ ĩsu nĩtumaa andũ ala matũaa vo mathela. Andũ onthe ala twonie kw'o nĩ aasa mũno.

Nĩmeeie Mwose atĩĩ, “Nĩtũnaendie nthĩ ĩla ũnatũtũmie na twamanya ũndũ ĩilyĩ. Nĩ nthĩ yĩ ũthwii mwingĩ na nou, na aa nĩ amwe ma matunda kuma nthĩ ĩsu.

Ĩndĩ andũ ala matũaa nthĩ ĩsu me vinya mũno, na ndũa syoo nĩ nene mũno na nĩ mbiĩĩe nesa. Ũu wĩ o vo nĩtwonie nzyawa sya Anaki; andũ anene mũno ala matũaa kw'o.

Aamaleki matũaa ngalĩko ya ĩtheo ya nthĩ ĩsu ĩla yĩtawa Nengevu. Aititi, Ayevusi, na Aamoli matũaa nthĩ ĩla yĩ iĩma, namo Akanaani matũaa vakuvĩ na Ũkanga wa Menditelenia, na ndeenĩ sya Ũsĩ wa Yolotani.”

ndũanĩ ya Katesi ĩla yĩ weũnĩ wa Valani vala Mwose, Alũni na andũ ala angĩ onthe ma Ĩsilaeli maĩ. Nĩmamatavisye maũndũ ala moonie, na mamony'a matunda ala maetie kuma nthĩ ĩsu.