Popular Bible Verses from Mot 14

Share

Mũikatate kũng'endea Mwĩai Ngai, na mũikakĩe andũ ala matũaa nthĩ ĩsu. Nĩtũũmokita tũmasinde vate thĩna. Mũikakĩe nũndũ Mwĩai Ngai e vamwe naitũ, na nũsindĩte ngai ila imasũvĩaa.”

‘Nyie Mwĩai Ngai ndithataa mĩtũkĩ, nĩ wendo mwingĩ ũtaolekaa, na nĩnĩekeaa andũ mothũku na mavĩtyo moo. Ĩndĩ ndikalea kũkany'a syana syoo, na nzyawa syoo o na kũvika nzyawa ya katatũ na ya kana kwondũ wa naĩ sya asyai masyo.’

Ethĩwa Mwĩai Ngai nĩwendeeaw'a nĩ ithyĩ, nũkũtũtongoesya na kũtũvikya nthĩ ĩsu nthwii na nou na aitũnenga tũmĩmesye.

Ĩndĩ nũndũ mũthũkũmi wakwa Kalevu e kĩvathũkany'o namo, na nĩwĩkalĩte aimbĩw'a vyũ, ngamũtwaa nĩmũlikye nthĩ ĩla waendie kũmanya ũndũ ĩilyĩ, na ĩkatw'ĩka ya nzyawa syake.

Endai mũkamee atĩĩ, ‘Nĩngwĩvĩta kana o tondũ nyie nĩ thayũ, nĩngũmwĩka maũndũ ala nĩw'ĩte mũineena. Nyie Mwĩai Ngai nĩnaneena.

Mwĩai Ngai nĩwaneenie na Mwose amwĩa atĩĩ, “Andũ aa meendeea kũmbũthya nginya ĩndĩĩ? Melea kũndĩkĩĩa nginya ĩndĩĩ, na nĩw'o nĩkĩte syama mbingĩ katĩ woo?

Nĩmanyungunyĩisye kũla kwĩ Mwose na Alũni mayasya atĩĩ, “Nĩ kavaa kethĩwa twakw'ĩĩie nthĩ ya Misili kana kethĩwa nĩtũkw'ĩĩa vaa weũnĩ!

Yosua mwana wa Nuni na Kalevu mwana wa Yevune, amwe ma ala atongoi maendie makamanye kwa kĩmbithĩ ũndũ andũ ma nthĩ ya Kanaani matũaa, nĩmatembũangie ngũa syoo nĩ woo. Nĩmaneenie na andũ onthe ma Ĩsilaeli mamea atĩĩ, “Nthĩ ĩla tũnaendie kũmanya ũndũ ĩilyĩ nĩ nthĩ nzeo mũno.

Ĩndĩ ũu wĩ o vo, o tondũ nĩkalaa thayũ, na o ũndũ nthĩ yusũĩte ũtheu mũtisu wakwa, nĩngwathana kana, vai ũmwe wa andũ asu ũkekala thayũ nginya alike nthĩ ya Kanaani. Nĩmonete ũtheu wakwa mũtisu, na syama ila neekie nthĩ ya Misili na weũnĩ, ĩndĩ nĩmandatĩte mavinda maingĩ, na nĩmaleete kũmbĩw'a. Andũ asu maikalika nongi nthĩ ĩla nathie aaũmae moo; vai ũmwe wa ala mang'endeaa ũkalika nthĩ ĩsu.