Popular Bible Verses from Lk 5

Share

Amina kũneena nĩwamwĩie Simioni atĩĩ, “Twaa ĩsiwa kĩw'ũnĩ vala valiku, na mũilikya itei syenyu mũkwatye makũyũ.”

Simioni amũsũngĩa amwĩa atĩĩ, “Mwĩai, tũteie makũyũ ũtukũ w'onthe na tũinakwatya kĩndũ! Ĩndĩ nũndũ nĩwasya ũu nĩngũlikya itei kĩw'ũnĩ.” Yĩla meekie ũu, nĩmakwatisye makũyũ maingĩ mũno kũvikĩa itei syoo syeew'a kũtw'ĩka.

Ĩndĩ Yesũ no wamatiaa akathi vandũ vate andũ akavoye.

Nyie ndyaaũka kwĩta andũ ala alũngalu, ĩndĩ nookie kwĩta avĩtany'a melile kwondũ wa naĩ syoo.”

Yĩla Vetelo woonie ũndũ ũsu, nĩwatulilye ndu mbee wa Yesũ na amwĩa atĩĩ, “Mwĩai uma vaa nĩĩ nũndũ nyie nĩ mũvĩtany'a.”

Yesũ amasũngĩa amea atĩĩ, “Andũ mate awau mai na vata wa ndakĩtalĩ; ala me na vata wake no ala awau.

Mamina kũtwaa masiwa moo ũtee wa ĩia, nĩmatiie syĩndũ syonthe na mamũatĩĩa Yesũ.

Ĩvinda yĩmwe Yesũ e ndũanĩ ĩmwe ya kũu, nĩvookie mũndũ ũmwe waĩ mũwau mangũ mũno. Mũndũ ũsu amwona Yesũ, nĩwakomie nthĩ na ĩvu na amwĩsũva aimwĩa atĩĩ, “Mwĩai, ethĩwa nũkwenda nũtonya kũmbosya ngathea.” Yesũ nĩwatambũũkisye kw'oko amũkwata na amwĩa atĩĩ, “Ĩĩ, nĩngwenda. Ĩthĩwa mũtheu!” Vau kwa vau nĩwavoiw'e ũwau ũsu vyũ.

Ĩndĩ ũvoo ĩũlũ wa Yesũ nĩwanyaĩĩkie mũno kũndũ kwingĩ, na andũ aingĩ nĩmoombanaa nĩ kana mamwĩthukĩĩsye na maivow'a mowau moo.