Popular Bible Verses from Lk 6

Share

Nengai andũ kĩla mekwenda, nenyu mũkanengwa nĩ Ngai. Ĩĩ, mũkakwata mokonĩ menyu kĩthimo kyusũu, kĩlate, kĩthingithangye, o na kĩkwĩtĩkanga. Nĩkwĩthĩwa o ũndũ mwĩkaa andũ ala angĩ, now'o o nake wĩmwĩka.”

Mũndũ mũseo aumasya maũndũ maseo ala me ngoonĩ yake, nake mũndũ mũthũku aumasya maũndũ mathũku ala me ngoonĩ yake. Nũndũ mũndũ aneenaa maũndũ ala mausũĩte ngoonĩ yake.

Kwoou inyw'ĩ mendei amaitha menyu, mũmekae nesa, na kũmakovethasya mũtekwĩkwatya kana makamũĩva. Nĩvo ĩndĩ ĩtuvi yenyu yĩkethĩwa yĩ ĩnene, na mũkeethĩwa mwĩ syana sya Ũla wĩ Ĩũlũ Mũno. Nũndũ we e ĩnee kwa andũ mate mũvea na kwa andũ athũku.

Ĩthĩwai na tei, o tondũ Ĩthe wenyu wĩ tei.

“Mũikasilĩle andũ ala angĩ, nenyu mũikasilĩlwa nĩ Ngai; mũikatw'ĩĩe andũ ala angĩ ũthũku, nenyu mũikatw'ĩĩwa ũthũku nĩ Ngai; ekeai andũ ala angĩ, nenyu mũkaekewa nĩ Ngai.

“Ĩndĩ ekai nĩmũtavye inyw'ĩ ala mũmbĩthukĩĩsye: Mendei amaitha menyu na mekaei nesa andũ ala mamũmenete; athimaai ala mamũumanĩaa na mũivoyea ala mamũumangaa.

Kwoou ĩkaai andũ ala angĩ ũndũ mwenda mo mamwĩkae.

Mũndũ akũkũna ĩtau yĩmwe, mũthyũũĩe yĩla yĩngĩ o nayo. Mũndũ akũvena ĩkoti yaku, ndũkamũsiĩĩe ayosa sati yaku o nayo. Mũndũ akũvoya kĩndũ mũnenge, na mũndũ akũvena syĩndũ syaku ndũkamwĩe nĩakũtũngĩe.

“Mũtĩ mũseo ndũsyaa ũsyao mũthũku, na mũtĩ mũthũku ndũsyaa ũsyao mũseo.

Kĩla mũtĩ ũmanyĩkaa ũndũ ũilyĩ kwĩsĩla ũsyaonĩ wa w'o. Ndũtonya kũtw'a makũyũ kĩkondunĩ kana ũkatw'a nzavivũ kĩthiianĩ.