Popular Bible Verses from Ntha 3

Share

Ngai nîwerire Musa atîrî, “NÎNIE ÛRÎA NIE. Kwoguo wagîrîrwe nîkûmera atîrî, ‘Ûrîa wîtagwa NIE nîke ûndûmîte kûrî mue.’ ”

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Nake Ngai-Mûnene nîwamwîrire atîrî, “Ndûgaûke vakuvî makîria. Ruta iratû nîûndû ûrûngamîte vandû vatheru.

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka. Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Nake mûraika wa Ngai-Mûnene nîwaumîrîre Musa. Mûraika ûcio aarî rûrîrîmbîrî rwa mwaki waumaga kîthakarî. Nake Musa nîwaroririe na akîona kîthaka gîgîakana mwaki, nwatî gîtiavîcaga.

Rîu nîngûgûtûma ûthiî kûrî mûthamaki wa Misiri nîguo ûgatongorie andû akwa a Isiraeli kuuma vûrûri wake.”