Popular Bible Verses from मरकुस 4

Share

यीशु खौड़ौ हुऔ और आपणै हुकमा देइयौ बागुर और पाणी रै छ़ालै लै बोलौ, “शान्त हुऊ, पोरु घट!” इणै बोलदा बेर हुई बागुर शान्त हुऔ और पाणी रै छ़ालै तेबी ई बंद हुऐ। तैबै यीशुऐ च़ेलेऊ लै बोलौ, “तुमै कैलै डौरै ई? का तुमुकै आज़ा झ़ांऊ मुं माथै विश्वास ना हुऔ?”

सै च़ेलै भौरी डौरै और आपु मांझ़िऐ बोलदै लागै, “इयौ कुण औलौ इणौ पा? पाणी रै छ़ालै बागुर भी एसरौ हुकम माना ई।”

तिंया ताकै यीशु किश्ती दी पिछ़ली भिलै शिराणै माथै मुंडा छ़ाड़ियौ सुतदै थौ लागौ औन्दौ। तैबै च़ेलेउऐ यीशु ज़गाऔ और डौरी-डौरीयौ यीशु लै बोलौ, “ओ गुरु! का तुमुकै फिकर ना आसती कि आमै डुबदै ई लागै औन्दै?”

यीशुऐ तौंइऐ तिउंलै बोलौ, “ज़ो कुछ़ हाऊं तुमुलै बोलाऊ भौरी ध्याना देइयौ शुणौ कैलैकि परमेश्‍वर तुमुलै एथकु भी ज़ादी सौमझ़ दिया आ।

यीशुऐ तिउंलै बोलौ, “परमेश्‍वरा रौ राज़ इणौ आ ज़िणौ केज़ै ज़िमदारै ज़मीना दी बीज बौऔ आ। बीजा बौइयौ कुछ़ दिना बासिऐ तिणीऐ देखौ कि सौ बीज़ ज़ौमियौ बौड़ौ हुऔ औन्दौ। तेसकै पौतौ भी ना लागौ कि इयौ किणौ हुऔ आ।

तुमै इऐं बुशै सौमझ़णौ च़ाहा ई, ता शुणौ, और सुंच़ौ, ज़ो कुछ़ भी हाऊं बोलाऊ।”