Popular Bible Verses from मरकुस 5

Share

यीशुऐ तियांलै बोलौ, “धीया, तू च़ांगी हुई गोई कैलैकि तांऐ मुं माथै विश्वास छ़ाड़ौ। आरामा कौरीऐ डेऊ, और आपणी दु:ख पिड़ा कु बौच़ी रौऊ।”

तिऐ एक छ़ेउड़ी थी, तिंया दी बारह साला ओउलै लोऊ बौइणै री बिमारी थी। तियांऐ भौरी डाक्टरु कु इलाज़ कौराइयौ भी दु:ख उठाऔ। आपणी सारी धन-ज़यदाद खौर्च़ कौरीयौ भी तियांलै कुछ़ सुख ना मिलौ, पर तिंयारी बिमारी औज़ौ भी बौड़दै लागी।

तियांऐ यीशु रौ जुड़कौ छ़ुंऔ और तेबी तिऐं छ़ेउड़ी रौ लोऊ बौइणौ बंद हुऔ। तियांकै आपणै ज़िसमा दी च़ौगरु ई ऐरौ कि, “हाऊं च़ांगी हुई गोई।”

यीशुऐ तिऐं मांई रौ हाथ पाकड़ौ और तियांलै आपणी बोली दी बोलौ, “तलीता कूमी” ज़ेथरौ मतलब इणौ आ, “ओ मांई! हाऊं ताउंलै बोलाऊ, उठ।”

ज़ैबै यीशु बोलदै थौ लागौ औन्दौ, तैबै आराधनालय रै मुख्यै याईरा रै घौरा कु लोगुऐ आशीयौ याईरा लै बोलौ, “तुमारी मांई मौरी गोई। आबै गुरु लै कौष्ट ना दैऔ।” ज़ो बूश सै लोग बोलदै थै लागौ औन्दै, यीशुऐ तिऐं बुशा री कौन्थशुणी की, और तेस आराधनालय रै मुख्यै याईरा लै बोलौ, “नाईं डर! सिरफ विश्वास छ़ाड़! सै ज़िउंदी हुआ आ।”

यीशुऐ तेस भितै ज़ो बुरी आत्मा थी, तियांलै बोलौ, “ओ बुरी आत्मा एस आदमी छ़ाड़ियौ बाइरै निकुल़।” बुरी आत्मै यीशु लै राड़ै मारीयौ बोलौ, “ओ परमेश्‍वरा रै छ़ोहरु यीशु। मुकु का च़ाहा ई? हाऊं तांउकु परमेश्‍वरा रै नावां कौरीऐ औरज़ कौराऊ कि तू मुलै दु:ख ना दै।” यीशुऐ तिऐं बुरी आत्मा कु पुछ़ौ, “तैरौ का नाऊं आ?” बुरी आत्मै बोलौ, “मैरौ नाऊं आ सेना, कैलैकि आमै भौरी सी।”