Popular Bible Verses from मरकुस 6

Share

तिऐ भौरी लोग थै आशदै-डेउंदै लागै औन्दै। तिउंकै तिऐं ज़ागाह दी रोटी खाणै रौ मौकौ भी ना मिलौ थौ। तिणीऐ तिऊं च़ेलेऊ लै बोलौ, “तुमै मुं आइलै एखुली ज़ागाह दी च़ालौ, तेशी दख ज़ेई आराम कौरौ।”

यीशुऐ तिउंलै बोलौ, “भविष्यवक्ता री इज़्ज़त हुआ सारी ज़ागाह दी। सिरफ आपणै गांवा दी, आपणै रिश्तैदारा दी और आपणै घौरा दी नाईं औन्दी।”

ज़ैबै यीशु किश्ती कु उतरौ ता तिऐं ज़ागाह दी भौरी बौड़ी भीड़ देखी आशी औन्दी, यीशु कै तिऊं लोगु देखीयौ दया आशी, कैलैकि सै लोग इणै थै ज़िणी बिण भेराल़डु री भेरै हुआई। तैबै सेऊ तिउंलै शिक्षा दैंदै लागौ।

यीशुऐ तिऐ कुछ़ बिमार लोग छ़ुंइयौ च़ांगै कियै। बाकी तिंउरै अविश्वासा री वज़ाह कु सेऊ शक्ति रै भौरी काम नाईं कौरी बौल़ौ। यीशु कै तिंउरै अविश्वासा देखीयौ भौरी दु:ख और हैरानी हुई। और तैबै सेऊ शिक्षा दैंदी बारै गांव-गांवा दी घुमदै थौ लागौ औन्दौ।

यीशुऐ सै पांज़ रोटी और दुई माच़्छ़ी आपणै हाथा दी पाकड़ी और सौरगा भिलै देखीयौ परमेश्‍वरा रौ धन्यबाद देइयौ आशीष मांगी। तेत बासिऐ यीशुऐ सै रोटी चोड़ियौ आपणै च़ेलेऊ कै थाकौ दैंदै लागी। च़ेलै थाकै लोगु कै दैंदै लागी। यीशुऐ सै दुई माच़्छ़ी भी लोगु मांझ़िऐ बांटी। सारै लोगुऐ पेटा भौरीयौ रोटी खाई। तेती माथै भी रोटी और माच़्छ़ी रै बौच़ै औन्दै बारह छ़ाबड़ै भौरै।