Popular Bible Verses from मरकुस 8

Share

कैलैकि ज़ो आपणौ प्राण बौच़ाउणौ च़ाहा लौ तेसलै परमेश्‍वरा आइलै सौदा री ज़िन्दगी नाईं मिलदी। पर ज़ो मुकालै और मैरौ खुशी री खौबर शुणाउणै री बज़ाह कु आपणै प्राण दैणा लै तैयार औलौ, तेसलै परमेश्‍वरा आइलै सौदा री ज़िन्दगी मिला आ।

लोग पुरी धौतरी री खुशी पाई बौल़ा ई, पर एथरौ का फाइदौ आ आपणौ प्राण खोआलौ पोरु?

यीशुऐ आपणै च़ेलै और दुजै लोग आपु काऐ औटाइयौ बोलौ, “ज़ुण भी मैरौ च़ेलौ बौणनौ च़ाहा लौ, सेऊ आपणी इच़्छ़ा छ़ाड़ा लौ, आपणौ क्रूस च़ुंगा लौ, और मुं पिछ़ु आशा लौ। (मतलब कि निन्दा और दु:ख सहन कौरालौ, और आपणै प्राणा दैणा लै भी त्यार रौआ) तैबै पा बौणा सौ मैरौ च़ेलौ।

परमेश्‍वरा आइलै सौदा री ज़िन्दगी पाइणा लै आमै परमेश्‍वरा लै कुछ़ भी नाईं देई बौल़दै। ज़ुण इऊं गान्दै काम कौरणै वाल़ेऊ, और पापी लोगु काऐ मुं आदमी रौ छ़ोहरु और मेरी शिक्षा नाईं अपणावा लौ, ता ज़ेबी हाऊं भी आपणै पवित्र प्रभु रै दूता आइलै आपणै बाबा री शाना देखाइयौ आशु लै, तैबै हाऊं भी तिऊं नाईं अपणाउंदौ।”

यीशुऐ बोलौ, “तुमै का बोलाई कि हाऊं कुण ऊ?” पतरसै ज़वाब दैऔ, “तुमै मसीहा ई। ज़ुण परमेश्‍वरै ई च़ुनौ औन्दै।”