Popular Bible Verses from मरकुस 9

Share

यीशुऐ तेसलै बोलौ, “ताइंऐ का बोलौ कि, ‘तुमै कौरी बौल़ा ई ता?’ शुण! ज़ुण मुं माथै विश्वास कौरा आ तेसलै हाऊं सारौ-कुछ़ कौराऊ।”

खरकच़ार तेस छ़ोहरु रै बाबै ज़ोरै बोलौ, “मुकै दख ज़ेई विश्वास आ। मैरौ विश्वास बौड़ाऔ एरी।”

यीशु और तेसरै च़ेलै ज़ेबी घौरा भितै एखुलै दी थै, तैबै च़ेलेउऐ यीशु कु पुछ़ौ, “आमुकै सै बुरी आत्मा कैलै ना गाड़ुई?” यीशुऐ ज़वाब दैऔ, “इणै रौंगा री बुरी आत्मा प्राथना और ब्रौता कौरी गाड़िया सा। कैलैकि एज़ी आत्मा गाड़नै रौ दुजौ तरिकौ कुछ़ नाईं।”

रोटी खांदी बारै लूण आच़्छ़ौ आ। पर लुणा मांझ़िऐ दुजी च़िज़ै मिलाइऔ लुणा रौ स्वाद बिगड़ी जा लौ ता तेस लूण केथ कौरीऐ कौरा ई लुणुऔ? तुमै लोग लुणा ज़िणै ई। कैलैकि तुमै मुं माथै विश्वास छ़ाड़ाई। तुमै पापा री बाटा दी डेइयौ आपणै विश्वासा रौ स्वाद ना खोएउ। एकी-दुजै कु बौड़ै हुणै री इच़्छ़ा छ़ाड़ियौ एकी-दुजै आइलै मिली-ज़ुलियौ रौऔ।”

“केज़ौ भी आदमी ज़ुण मुं आइलै प्यार कौरा सा, कास छ़ोटौ मांऊ अपणावा लौ तैबै सौमझ़ौ कि सेऊ मुं आ लागौ औन्दौ अपणाऊ दै। ज़ेज़ौ मुं अपणावा लौ, सेज़ौ आदमी परमेश्‍वर अपणावा सा, ज़ुणिऐ हाऊं भेज़ौ औन्दौ।”

इणौ सौच़्च़ौ आ कि ज़ेज़ौ आदमी तुमु मसीह मैरै च़ेलै ज़ाणीऔ एक ग्लास पाणी पिलावा लौ तैबै परमेश्‍वर तेसलै ज़ुरुर इनाम दिआ आ।”

यीशुऐ इणौ भी बोलौ, “मुं माथै विश्वास छ़ाड़णै वाल़ौ, च़ाऊ सेऊ छ़ोहरु औलौ, केज़ौ भी आदमी तेस पापा री बाटा दी नीईंयौ तेस विश्वासा दी डगमगावा लौ, ता परमेश्‍वर तेसलै ज़ुरुर सौज़ा दिआ आ। इणै आदमी लै परमेश्‍वरा री सौज़ा मिलणै कु आच़्छ़ौ थौ कि तेसरै गौल़ै दी घौरटा रौ ज़ौंदर बानिऔ तेस गैहरी झ़िला दी डुबावा।

अगर तेरी आख इणौ देखा ली कि तू विश्वासा ई डगमगाइयौ पापा री बाटा दी डेई गौ, ता तिऐं आख तू पोरु गाड़ै। ताउंलै आच़्छ़ौ आ कि तू काणै रौइयौ सौरगा दी डिया। नाईं ता दुइआ आखी कौरी नौरका दी डियाई