Popular Bible Verses from लुका 24

Share

अने देखो, जे चोखली आत्‌मा ना बारा मे मारो बाह तमने आपवा नो वायदो करलो से। तीने मे तमारी उपर ह़रगे गेथो उतारही अने जत्‌यार लगण तमु ह़रगे गेथी सक्‌ती हात नी करे, तांह तक तमु आञेत यरुसलेम ह़ेर मे रेजो।”

तीहयो आंया नी हय, काहाके तीहयो जीवतो हय जेलो से। जत्‌यार तीहयो गलील ह़ेर मे हतो, ता तमने तीहयो ह़ु केदलो? तीहयी वात फोम करो!

तीहयीत टेमे चेला ना डोळा उगड़ी ज्‌या, अने तीहया ईसु ने ओळखी लेदा, बाखीन ईसु तीमनी देखणतेत उलुप हय ज्‌यो। ता चेला आंबा-सांबा आहयु केदा, “जत्‌यार तीहयो वाट्‌ये चालतो जाय्‌न अमारी ह़ाते वात करतो हतो, अने खरला सास्‌तर नी वात देखाड़तो हतो, ता आपणु मन घण-जबर खुस नी हयु ह़ु?”

अने तीमने केदो, “आसम लीखलु से के मसी दुख भुगतहे, अने तीसरे दाड़े मर्‌या-ह़र्‌या मे गेथो जीवतो हय जहे। आहयी खुस-खबर पेले आंया यरुसलेम मे माणहु ने ह़मळावहे अने अळतेण आखा देस ना माणहु ने ह़मळावहे अने पाप भणी गेथु मन फीरवीन भगवान वगे वळवा नु परच्‌यार तीनात नामे हयहे।

जत्‌यार तीहया मड़ाट्‌यान्‌तां आया, ता तीहया देख्‌या के मड़ाट्‌या वाळा चाफर्‌या ना दोर पोर देदलो दगड़ो, ढबळीन एक धेड़्‌यो हय र्‌यो हतो। अने मोय ज्‌या ता मालीक ईसु नो धोड़ तां नी जड़्‌यो!