Popular Bible Verses from Johannes 15

Share

Hastanhanka iyuwi kin he miye, adetka kin he niyepi. Tuwe mici un qa miś kici waun kin he waskuyeca ota icaḣya; miye kin en icunonpa yaunpi kinhan takudan oyakihipikte śni.

Mici un po, hecen miś cicipi waun kta. Hastanhanka iyuwi adetka wiyuwi kin en ikoyake śni kinhan waskuyeca icaḣya okihi śni ece; he iyecen miyeci yaunpi śni ehantanhan, niś eya oyakihipi kte śni.

Miyeci yaunpi qa mioie kin he nicipi un kinhan, taku tona yacinpi kin hena yadapi kta, unkan ecen ecaniconpi kta.

Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

Tuwe takuwicaye cin on wiconi eḣpekiye cinhan, he wowaśte kin tuwedan kapeye śni.

Adetka tona miye on waskuyeca icaḣye śni kin hena yupśun; qa adetka tona waskuyeca icaḣye cin hena pakinta, hecen on waskuyeca ota icaḣye kta.

Mitawoahope kin he dee, waśtecicidapi kin he iyecen waśteyecidapi kta.

Waskuyeca ota icaḣyayapi kinhan Atewaje cin nina yutanpi kta; qa heciya tanhan waonspeciciyapi yaunpi kta.

Hastanhanka iyuwi wowicake kin he miye, qa Atewaye cin he kieanye cin ee.

Tuwe mici un śni kinhan adetka iyecen tankan eḣpeyapi, hecen śnija aya; unkan hena wicaśta pahipi qa petan eḣpeyapi, hecen ḣuḣnaga, ece.

Taku eciciyapi kin dena on mitowiyuśkin kin nicipi un ktae, qa nitowiyuśkinpi kin he ecetu niciciyapi kta.

Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

Otoiyohi waśte kicida po, he iwahokonciciyapi ce.

Oyate kin enitanhanpi unkanś oyate kin taku iye tawapi waśte kidapi kta; tuka oyate kin henitanhanpi śni, miye e oyate kin etanhan cicaḣnigapi kin heon oyate kin śice nidapi.