Johannes 15

1Hastanhanka iyuwi wowicake kin he miye, qa Atewaye cin he kieanye cin ee.

2Adetka tona miye on waskuyeca icaḣye śni kin hena yupśun; qa adetka tona waskuyeca icaḣye cin hena pakinta, hecen on waskuyeca ota icaḣye kta.

3Eya wanna niskapi, wicoie oeiciyakapi kin heon.

4Mici un po, hecen miś cicipi waun kta. Hastanhanka iyuwi adetka wiyuwi kin en ikoyake śni kinhan waskuyeca icaḣya okihi śni ece; he iyecen miyeci yaunpi śni ehantanhan, niś eya oyakihipi kte śni.

5Hastanhanka iyuwi kin he miye, adetka kin he niyepi. Tuwe mici un qa miś kici waun kin he waskuyeca ota icaḣya; miye kin en icunonpa yaunpi kinhan takudan oyakihipikte śni.

6Tuwe mici un śni kinhan adetka iyecen tankan eḣpeyapi, hecen śnija aya; unkan hena wicaśta pahipi qa petan eḣpeyapi, hecen ḣuḣnaga, ece.

7Miyeci yaunpi qa mioie kin he nicipi un kinhan, taku tona yacinpi kin hena yadapi kta, unkan ecen ecaniconpi kta.

8Waskuyeca ota icaḣyayapi kinhan Atewaje cin nina yutanpi kta; qa heciya tanhan waonspeciciyapi yaunpi kta.

9Atewaye cin token waśte makida kin he iyecen waśte cicidapi; mitowaśte kin he kici un po.

10Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

11Taku eciciyapi kin dena on mitowiyuśkin kin nicipi un ktae, qa nitowiyuśkinpi kin he ecetu niciciyapi kta.

12Mitawoahope kin he dee, waśtecicidapi kin he iyecen waśteyecidapi kta.

13Tuwe takuwicaye cin on wiconi eḣpekiye cinhan, he wowaśte kin tuwedan kapeye śni.

14Taku econ ciśipi kin owasin ecen ecanonpi kinhan takuciyapi yaunpi.

15Ookiye wicayapi wanna eciciyapi śni; ookiye yapi un kin he Itancan ye cin taku econ keś sdonye śni. Tuka takuciyapi eciciyapi; Atewaye cin tona naḣonmaye cin owasin sdonye ciciyapi kin heon.

16Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

17Otoiyohi waśte kicida po, he iwahokonciciyapi ce.

18Oyate kin śice nidapi eśta, he itokam miye śice madapike ciqon he sdonyayapi.

19Oyate kin enitanhanpi unkanś oyate kin taku iye tawapi waśte kidapi kta; tuka oyate kin henitanhanpi śni, miye e oyate kin etanhan cicaḣnigapi kin heon oyate kin śice nidapi.

20Wicoie wan eciciyapi qon he yeksuyapi; Ookiye yapi un kin he Itancan yuhe cin kakipe c̣a iyotan tanka śni. Śicaya makuwapi hecinhan, niś oyate kin śicaya nicuwapi kta; qa mioie yuhapi hecinhan, niś nioie kin niciyuhapi kta.

21Tuka micaje kin on hena owasin ecen ecaniconpi kta; tuwe u maśi kin he sdonyapi śni heon etanhan.

22Wahi śni qa owicawakiye śni kinhan, woaḣtani nicapi kta tuka; tuka detanhan woaḣtani woakaḣpe nicapi.

23Tuwe śice madake cin he nakun Atewaye cin śice daka.

24Wicoḣan tuwedan hecen econ śni iyecen ecawicawecon śni unkanś, woaḣtani nicapi kta tuka; tuka wanna Atewaye cin kici wanmayakapi, qa napin śice undakapi.

25Tuka woope tawapi kin en wicoie kagapi qon he wanna iyecetu; Takudan on etanhan śni śice madakapi ce.

26Tuka Wicakicanpte, Atewaye cin etanhan uwaśi kte cin he, Wowicake Woniya kin hee, tohan hi kinhan, he iye Atewaye cin etanhan u kta, qa omayake kte cin hee.

27Qa niś nakun omayadakapi kta, toka ehantanhan miyahna yaunpi qon heon.

Currently Selected:

Johannes 15: DAKOTANT

Highlight

Copy