Popular Bible Verses from Lukas 11

Share

Hecen niś niśicapi kin, nicincapi taku waśteśte wicayaqupi kte cin he onnispepi ehantanhan, iś iyotan maḣpiya Ateyayapi kin tona Woniya Wakan kidapi kinhan wicaqu kta ce, eya.

Nakun heciciyapi; Da po, kinhan nic̣upi kta; akita po, kinhan iyeyapi kta; katoto po, kinhan niciyuḣdokapi ece e kta.

Tuwe da eca he icu ece; qa tuwe akita eca he iyeya ece; qa tuwe katoto eca he kiciyuḣdokapi ece e kta.

Unkan hewicakiya; Ceyakiyapi kinhan kaken eya po; Ateunyanpi maḣpiya ekta nanke cin, nicaje wakandapi nunwe: Nitokiconze kin u kte: Maḣpiya ekta nitawacin econpi kin he iyecen maka akan econpi nunwe.

Qa waunḣtanipi kin unkicicajuju miye, unkiś tona śicaya ecaunkiconpi wicunkicicajujupi kin he iyececa. Qa taku wawiyutanyan un kin en unkayapi śni po; tuka taku śice cin etanhan eunhdaku po.

Anpetu otoiyohi anpetu woyute unqu po.

Wicatancan iyoyanpa kin wiciśta kin hee: heon etanhan niiśta kin hecetu kinhan, nitancan kin iś eya iyoyanpa ojudan ece; tuka niiśta kin he śica eca, nitancan kin iś eya ocowasin otpaza ojudan ece.

Tuwedan petijanjan wan ideya eca naḣmana ehde śni, qa iś ohna wiyutapi kin iyahdapśinyan hnake śni; tuka petijanjan ihupa wan akan ehde ece; qa hecen tona en hipi kinhan ojanjan kin wanyakapi kte.