Popular Bible Verses from Lukas 12

Share

Heon etanhan niś eya wiyeya un po; Wicaśta Cinhintku kin tohan awacannipi śni kinhan hehan u kta ce.

Tuka Wakantanka tokiconze kin hee tokaheya ihnihda po, kinhan dena owasin koya nic̣upi kta.

Unkan hewicakiya; Iwanihdaka po, qa wakonpi kin kokipa po; wicaśta nipi kin he taku iyakic̣uya tonpi kin he en un śni ece.

Woyuha tukten niciyankapi hecinhan, iś eya nicantepi kin en un ece e kta.

Qa niyepi wanji awacannipi kin on wiciśpa wanjidan kaeś nihduhanskapi oyakihipi he.

Unkan waonspewicakiye cin hewicakiya; Hecen on heciciyapi ce, Yanipi kin on taku yatapi kte cin, qa iś tancan kin taku kodakapi kte cin, hena on nagiyeic̣iyapi sni po.

Tuka niyepi kin paha ee kaeś owasin niyawapi ece. Heon etanhan wikopapi śni po; zitkadan ota isanpa niyawapi ece.

Optaye cistinna kin, wikopapi śni po; wokiconze kin hee nic̣upi kta e Ateyayapi kin iyokipi ece.

Kangi kin hena iwicayukcan po; he iye wojupi śni qa woksapi śni, qa dotopiye woḣa ko nicapi: unkan Wakantanka hena wo wicaqu ece. Waḣupakoza kin isanpa niyawapi śni he.

Qa taku yatapi qa datkanpi kte cin he ihnihdnpi śni po; qa nakun waceṭunhdaya wacin yuzapi śni po.

Hecen Wakantanka peji anpedehan mngata hiyeya, qa heyakecinhan petan eḣpeyapi kin hee kaeś wokoyake qu ehantanhan, kitanna wicayndapi kin, niś iyotan wokoyake nic̣upi kte śni he.

Taku akaḣpetonpi qa yuzamnipi kte śni wanica; qa nakun taku anaḣmanpi qa yuotaninpi kte śni wanica ce.