Popular Bible Verses from Lukas 13

Share

Tiyopa cistiyedan kin he ohna dapi kta nina akita po: wicota ohna yapi akitapi kta, tuka okihipi kte śni, eciciyapi ce.

Unkan iho, winoḣinca wan waniyetu ake śahdogan hehanyan woniya waśake śni kin yuha, tancan kin wanna pako icu, qa tokadan ihduowotanna śni. Jesus he wanyaka, unkan kico qa heciya; Winoḣinca waniyazanke cin etanhan niciyuśkapi ce.

Hehan nape kin ahnaka, unkan wancake owotanna icu, qa Wakantanka yaonihan.

Unkan iho, ehake yakonpi kin hena tokaheyapi kta; qa tokaheyapi kin hena iś ehake yakonpi kta ce, eya.

Tipi tawa kin tohan wanna najin hiyaye, c̣a tiyopa kin ecen ikikcu, qa itankan nayajinpi, qa tiyopa yakatotopi, qa; Itancan, Itancan, unkiciyuḣdoka miye, ehapi; qa iye waayupte c̣a, Tonitanhanpi kin sdonwaye śni ce, eniciyapi kta

Hiya; tuka niye nihduecetupi śni ehantanhan, niś eya owasin iyecen nitakunipi kte śni, eciciyapi ce, eya.

Tuka iye heye kta; Toni, tanhanpi kin sdonwaye śni, eciciyapi ce; woowotanna śni ecanonpi ece kin owasin mitantanhan iyaya po.

Hehan heya; Wakantanka tokiconze kin he taku iyececa he; qa taku e imdacin kta he. Sinape sukaza wanji iyececa, he wicaśta wan icu, qa maga tawa kin en iyoḣpeya; unkan icage, c̣a can tanka aya; unkan maḣpiya okinyanpi kin adetka kin en iyahanpi ece.