Popular Bible Verses from Lukas 6

Share

Wicaqu po, kinhan nic̣upi kta; wiyutapi waśte, paoṭinzapi, paipuskicapi qa apaśboka, hecen wicaśta kin maku kin en nic̣upi kta. Wiyutapi on widutapi kin hee on winiciyutapi ece e kta.

Wicaśta waśte kin he cante woyuha waśte kin etanhan taku waśte icaḣya ece; qa wicaśta śice cin he cante woyuha śice cin etanhan taku śice icaḣya ece: wicacante taku iyakic̣uya ohnaka kin he etanhan i kin eciyatanhan enapeya ece, eya.

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Hecen Niyatepi kin iś token waonśida kin niś eya he iyecen waonśida po.

Wayacopi śni po, kinhan niyacopi kte śni: owawicakiyepi śni po, kinhan owaniciyepi kte śni: wicakicicajuju po, kinhan nicicajujupi kta

Tuka naḣon dukanpi kin heciciyapi ce, Tokaniyanpi kin hena cantewicakiya po, qa śicenidapi kin hena tanyan ecawicakicon po; Niyaśicapi kin wicayawaśte po, qa wawicanksiya nicuwapi kin hena wocekiye ewicakiciya po.

Qa wicaśta kin token ecaniconpi yacinpi kin, he iyecen ecawicakicon po.

Qa tuwe iyoḣa sani kin en anipe cinhan unma eciyatanhan kipazo wo; qa tuwe śina inicicu kinhan, onḣdoḣda kin nakun teḣinda śni wo. Wicaśta otoiyohi taku nicida kin qu wo; qa tuwe woyuha nici kinhan, ake kica śni wo.

Can wanji waśte kin waskuyeca śica icaḣye śni; qa nakun can wanji śice cin he waskuyeca waśte icaḣye śni.

Can kin otoiyohi waskuyeca tawa kin on sdonyapi ece: wicaśta kin taspanhu kin etanhan suken pahipi śni, qa iś eya tokahu kin etanhun hustanhanka pahipi śni.