Popular Bible Verses from Luke 11

Share

Tohaƞyaƞ niṡic̄api kʹeyaṡ, niċiƞc̄api ki taku waṡte wiċayakʹupi kte ki he uƞnispepi. Eyaṡ isamya Wak̇aƞṫaƞka tona Woniya-Wak̇aƞ kilapi kihaƞ wiċakʹu ktelo,” eye.

Nakuƞ heċic̄iyapi: Walapo, kihaƞ wanicʹupi kte; waoyalepi kihaƞ waiyeyapi kte; yakatotopi kihaƞ nic̄iyuġaƞpi kte.

Tuwe wala kihaƞ waic̄u kte, na tuwe waole kihaƞ waiyeyiƞ kte, na tuwe katoto kihaƞ tiyopa kiyuġaƞpi kte.

Jesus leċel awiċayupte, “Tohaƞl waċeyakiyapi kihaƞ kakel ehapi kte, ‘Ateuƞyaƞpi maḣpiya ekta nake ki, niċaje wak̇aƞlapi kte; niṫawokiċuƞze ki u kte.

Na wauƞḣtanipi ki euƞkic̄iktuƞjapi ye, uƞkiṡ tona ṡic̄aya eċauƞkic̄iċuƞpi awiċauƞkic̄iktuƞjapi ki he iyeċel. Na taku wawiyutaƞyaƞ el uƞkayapi ṡni ye.’”

Aƞpetu otoiyohi woyute uƞkʹupi ye.

Wiċiṡta ki hena ṗetijaƞjaƞ iyeċec̄a. Niṫawaċiƞ ki aiyonic̄ijaƞjaƞ haƞtaƞṡ isam taku iyuha iyojaƞjaƞye. Taƞyaƞ iṡtanibleza haƞtaƞṡ taku ki iyuha iyojaƞjaƞ ktelo. Eyaṡ waayableze ṡni haƞtaƞṡ taku ki iyuha oiyokpaziƞ ktelo.

“Tuweni ṗetijaƞjaƞ waƞji ilekiyiƞ na wakṡi-ṡkokpa oḣlate nakiḣme ṡni. Waƞkal eglepi, heċel tuwe tipi le el hipi hena ojaƞjaƞya waƞyaƞkapi kte.