Popular Bible Verses from Luke 12

Share

Ċa ohiƞniyaƞ iwaktaya uƞpo! Tohaƞl Wiċaṡa-Ċiƞkṡitku ki ku kte ki he slolyayapi ṡni.”

Wak̇aƞṫaƞka ṫawokiċuƞze ki he ṫokaheyayapi ki, taku uƞ taƞyaƞ yanipi hena nicʹupi ktelo.”

Hehaƞ wiċota najiƞpi hena hewiċakiye, “Wateḣilapi ṡni yo! Woyuha ota luhapi heuƞ taƞyaƞ yauƞpi kta keċiƞpi ṡni yo.”

Tuktel waṫeyeḣila yagluha ki hetu ċa niċaƞtepi ki nakuƞ yaƞkiƞ ktelo.

Nakuƞ mak̇a akaƞ taku iċaƞniṡic̄api eyaṡ heuƞ mak̇a akaƞ wiċoni luhapi ki he yuhaƞskiƞ kte ṡni.

Hehaƞl ihakab-uƞpi ki hewiċakiye, “Lena uƞ ċa heċic̄iyapi, woyute na hayapi ki hena inaġiyeicʹiyapi ṡni yo.

Niṗehiƞpi hena yawa pic̄a ṡni eyaṡ Wak̇aƞṫaƞka iyohila taƞyaƞ slolye ċa takuni k̇okiṗapi ṡni yo! Niye ziƞtkala ota wiċisamya inic̄ipipelo.

“Mitakuyepi wak̇okiṗapi ṡni yo! Wak̇aƞṫaƞka ṫawokiċuƞze ki he yuhaniċiyapi ċiƞ yelo.

K̇aƞġi ki hena iwiċayukc̄aƞpo! Hena wojupi ṡni naiƞṡ wowaṡi eċuƞpi ṡni, oaglepi k̇o nic̄api eṡa, Wak̇aƞṫaƞka hena taƞyaƞ awaƞwiċakiglake. Eyaṡ, niye waḣupakoze ki isamṗaniċiyapi.

“Taku yatapi na latkaƞpi kte ki hena ikaġiicʹiyapi ṡni yo.

Aƞpetu ki le mak̇oċe ki owaƞyaƞgwaṡte, eyaṡ hihaƞni kihaƞ waḣc̄a hena uƞ ċetipi kte. Wak̇aƞṫaƞka taku yuhaniċiyapi ċiƞ eyaṡ wowic̄ala niṫawapi ki iyehaƞyaƞ ṡni yelo.

Taku akaḣpeya waeċuƞpi hena awiċayuzamnipi kte na taku ki iyuha aṫaƞiƞ kte.