Popular Bible Verses from Luke 13

Share

“Tiyopa oc̄ikʹala ki he ogna iyaye waċiƞpo! Wiċota he ogna iyayapi ċiƞpi eyaṡ okihipi kte ṡni yelo.

Wiƞyaƞ waƞ waniyetu ak̄e ṡagloġaƞ hehaƞya wak̇aƞ-ṡic̄a waƞ kaṡkayuza ċa owoṫaƞla inajiƞ okihi ṡni. Jesus wiƞyaƞ ki le kiċo na hekiye, “Waniyazaƞke ki etaƞhaƞ wana anic̄isni yelo!” eye.

Hehaƞl wayazaƞke el apuṫake, yuƞk̇aƞ waƞc̄agna owoṫaƞla inajiƞ na Wak̇aƞṫaƞka yaonihaƞ.

Heċiya uƞṡiya uƞpi waƞ hena ṫokahewiċayapi oḣʹaƞhaƞhaƞ na uƞpi waƞ hena iƞṡ uƞṡiya uƞpi ktelo.”

Tuwa ṫatiyopa nakiṫaka haƞtaƞṡ hehaƞ ṫaƞkal aniyuṡtaƞpi ktelo. Tiyopa el yakatotopi na ‘Tiyopa uƞkiyuġaƞpo,’ ehapi eyaṡ hel ti ki leċel aniyuptapi kte, ‘Slolċiyapi ṡni yelo!’

Hiya, ataḣc̄i heċetu ṡni, eyaṡ Wak̇aƞṫaƞka etkiya yakinajiƞpi ṡni ki iyuha nisotapi ktelo.

Eyaṡ hewiċakiyiƞ kte, ‘Nituwepi ki ataṡ slolċiyapi ṡni! Miḣeyab eċuƞpo, taƞyaƞ yauƞpi ṡni yelo!’

Jesus hewiċakiye, “Wak̇aƞṫaƞka ṫawokiċuƞze ki he tokel iċiwaƞlakapi hwo? Na taku ċa he iblaċiƞ kta hwo? Tuwa owoju su waƞ ihaƞkeya c̄ikʹala ċa oju yuƞk̇aƞ etaƞhaƞ ċaƞ ṫaƞka waƞ iċaġe, he el ziƞtkala ki wahoḣpi kiċaġapi,” eye.