Popular Bible Verses from Luke 14

Share

“Tuwe el mau eyaṡ atkuku na huƞku na ṫawic̄u na ċiƞc̄a hena misam tewiċakiḣila haƞtaƞṡ mihakab uƞ okihi ṡni yelo. Na suƞkaku na ṫaƞkṡitku hena naiƞṡ wiċoni tekiḣila haƞtaƞṡ, mihakab uƞ okihi ṡni yelo.

Na tuwe mihakab uƞpi uƞ wokakije he icʹicʹu ṡni haƞtaƞṡ, ihakab-uƞpi ki he waƞji okihi ṡni yelo.

Tuwe waƞkal iglawa haƞtaƞṡ yuhukul iyeyapi kte, na tuwe uƞṡiicʹiya haƞtaƞṡ oyate wiċiṫokabya yuonihaƞpi ktelo.”

He iyeċel tuwa woyuha hena iyuha agluṡtaƞ ċiƞ ṡni haƞtaƞṡ, mihakab uƞ okihi kte ṡni yelo.

Tuwe iḣʹe tipi waƞ kaġa ċiƞ ki he wokaiju iyena yuha ki iwaƞglakiƞ ktelo. Heċanu ṡni haƞtaƞṡ wowaṡi he yagluṡtaƞ ṡnihaƞni mazaska ananisota haƞtaƞṡ oyate niokṡaƞ uƞpi hena iniḣaḣapi kte. Na henic̄iyapi kte, ‘Taku waƞ le yakaġe kʹeyaṡ luṡtaƞ oyakihi ṡni yelo,’ enic̄iyapi kte.

Etaƞ kakijapi waƞ hena wiċakiksuya yo. Hena uƞṡiya uƞpi na takuni kicʹuƞ okihipi ṡni. Eyaṡ tokṡa Wak̇aƞṫaƞka niyawaṡte kte na taku yaglusote ki hena hektakiya niċu kte, tohaƞl ṫaoyate ki woekiċetu el inajiƞpi kihaƞ,” eye.

“Mniskuya ki skuye ṡni haƞtaƞṡ hehaƞya waṡte ṡni. Tokeṡke eċuƞpi haƞtaƞṡ ake skuyiƞ kta hwo? Hena hehaƞya takuni ikipi ṡni ċaƞ ṫaƞkal iḣpeyapi. Lena woiye ki taƞyaƞ anaġoptaƞpo.”