Popular Bible Verses from Luke 4

Share

Woniya-Wak̇aƞ ki el mahi, Ċiƞ uƞṡike ki woṫaƞiƞ-waṡte ki he wiċawakau kta ċa Iṫaċaƞ ki maglaḣniġe. Nakuƞ kaṡka uƞpi waƞ hena okablaya uƞpi kta ċa he wahoṡiya hiyumaye. Na iṡtaġuƞġapi waƞ hena waƞyaƞgwiċawakiyiƞ kte. Na kakijapi waƞ hena asniwiċawakiyiƞ ktelo. Na leċel blaoṫaƞiƞ kte “Wak̇aƞṫaƞka aƞpetu ki le glaḣniġelo,” eya Jesus yawa.

Jesus ayupte, “Wowapi-Wak̇aƞ el leċel owapelo, ‘Wak̇aƞṫaƞka ec̄ela yuonihaƞpi na etkiya icʹicʹupo!’ ” eye.

Eyaṡ Jesus ayupte, “Wowapi-Wak̇aƞ ki el leċel owapi, ‘Woyute ec̄ela uƞ wiċoni kte ṡni yelo,’ owapelo,” eye.

Yuƞk̇aƞ Jesus Jordan oṗaya hetaƞhaƞ Woniya-Wak̇aƞ ki ṫawaċiƞ ojulya iyaye, na Woniya-Wak̇aƞ ki le manitakiya aye.

Eyaṡ Jesus leċel ayupte, “Wowapi-Wak̇aƞ ki nakuƞ leċel owapi, ‘Wak̇aƞṫaƞka Iṫaċaƞ niṫawa ki he leċel iluṫiƞ kte ṡni yelo,’ eya owapi,” keye.

Yuƞk̇aƞ Wak̇aƞ-ṡic̄a wowiyutaƞye ki owasʹiƞ ayuṡtaƞ na Jesus owatohaƞ iḣeyab iyaye.

Hehaƞl Wak̇aƞ-ṡic̄a ki ṫawowaṡʹake uƞ mak̇a wokiċuƞze ki owasʹiƞ Jesus kipazo. Na hekiye, “Wiċowaṡʹake na wowijic̄a ki lena ċicʹu ktelo,” Wak̇aƞ-ṡic̄a ki hekiye. “Lena iyuha yuhamakiyapi na tuwe waċiƞ ki he wakʹu ktelo. Mak̇ata iḣpenicʹiyiƞ na mayaluonihaƞ ki lena iyuha niṫawa ktelo,” eye. Jesus ayupte, “Wowapi-Wak̇aƞ el leċel owapelo, ‘Wak̇aƞṫaƞka ec̄ela yuonihaƞpi na etkiya icʹicʹupo!’ ” eye.

Hehaƞ Wak̇aƞ-ṡic̄a ki Jesus Jerusalem ekta ahi. Tipi-Wak̇aƞ iƞkpa waƞkal egle na hekiye, “Wak̇aƞṫaƞka-Ċiƞhiƞtku ki he niye hec̄i ikpazo wo. Letaƞhaƞya hiƞḣpayaicʹiya yo. Wowapi-Wak̇aƞ el heċel owapelo, ‘Wak̇aƞṫaƞka ṫaogligle ki awaƞyaƞgniċiyapi kta.’ Nakuƞ heċel owapi, ‘Ogligle ki yuwaƞkab niyuzapi ki nisi ki e kʹeyaṡ iƞyaƞ akaƞ uƞniṫuƞ kte ṡni yelo,’ owapelo,” eye. Eyaṡ Jesus leċel ayupte, “Wowapi-Wak̇aƞ ki nakuƞ leċel owapi, ‘Wak̇aƞṫaƞka Iṫaċaƞ niṫawa ki he leċel iluṫiƞ kte ṡni yelo,’ eya owapi,” keye.