Popular Bible Verses from Luke 5

Share

Jesus woglaka igluṡtaƞ na hehaƞl Simon hekiye, “Mni ṡme etkiya wata ki pak̇ab iyeyiƞ na ho-ipaṫe ki mni oiḣpekiyapo,” eye.

Simon ayupte, “Iṫaċaƞ, haƞhepi ata wowaṡi eċuƞkʹuƞpi eyaṡ takuniḣc̄i uƞkoyuspapi ṡni yelo. Eyaṡ taku eċuƞ mayaṡi ki le eċel eċamu ktelo,” eye. Ċa iyeċel eċuƞpi yuƞk̇aƞ hoġaƞ lila ota owiċayuspapi uƞ ho-ipaṫe ki naḣlec̄anasʹe mni etaƞhaƞ gluzepi.

Eyaṡ Jesus ḣeyatakiya iṡnala waċekiyiƞ kta ċa iyaye.

Oyate eya taƞyaƞ opiicʹiyapi waƞ hena eċa wiċawak̇e ṡni tk̇a etaƞ owoṫaƞla uƞpi ṡni waƞ hena eċa Wak̇aƞṫaƞka etkiya igluhomnipi na igluonihaƞpi kta uƞ wahi yelo,” eye.

Simon Peter le waƞyaƞke hehaƞ, Jesus iṫokab ċaƞkpemak̇agleya najiƞ na hekiye, “Iṫaċaƞ, mikiyela u ṡni yo, wiċaṡa waḣtanipi sʹa hemaċa yelo,” eye.

Jesus awiċayupte, “Oyate zanipi hena ṗejuta-wiċaṡa waċiƞwiċayapi ṡni eyaṡ kujapi hena eċa woasniye ċiƞpelo.

Hehaƞl wata ki lena mniaglagla yuze ekiglepi na taku iyuha ayuṡtaƞpi na Jesus ihakab iyayapi.

Oṫuƞwahe waƞ el Jesus i, yuƞk̇aƞ wiċaṡa waƞ ḣaƞḣaƞ apiye pic̄a ṡni ċa eċec̄a ċa hel uƞ. Jesus iṫokabya ċaƞkpemak̇agleya najiƞ na uƞṡiicʹiya ċekiye, “Iṫaċaƞ, yaċiƞ haƞtaƞṡ apimayaya oyakihi ki he slolwaye, woasniye makʹu wo,” eye. Yuƞk̇aƞ Jesus leċel ayupte, “Ohaƞ. Leċetu ktelo,” eye. Na ṫaċaƞ ki epaṫaƞ yuƞk̇aƞ waƞc̄agnaya akisni.

Jesus waeċuƞ ki le oṫaƞiƞ ċa oyate ki igluwitayapi. Wouƞspe na woasni ċiƞpi uƞ naḣʹuƞ hipi.