Popular Bible Verses from Luke 6

Share

Wawiċayakʹupi hena hektakiya isamṗaya waƞyeglakapi ktelo. Oyate ki taƞyaƞ kiċaƞwiċayayapi ki he niṡ-eya iyeċel waƞyeglakapi ktelo,” eye.

Tuwa ċaƞtewaṡteya uƞ ki he oyate ki ċaƞteowiċagnake. Eyaṡ tuwa ċaƞtewaṡte ṡni haƞtaƞṡ waiwaḣtelaṡniya uƞ. Wowiyukc̄aƞ ki aiyeċel waeyapelo.”

Ṫokaniyapi hena ċaƞteowiċagnakapo. Taku owiċayakʹupi hena hektakiya wakiktapi ṡni yo. Heċel wokaiju ṫaƞka luhapi ktelo, heċel Wak̇aƞṫaƞka ṫaoyate heniċapi ktelo. Eċiƞ Wak̇aƞṫaƞka oyate eya wauƞṡilapi ṡni na wopila yuhapi ṡni eyaṡ uƞṡiwiċalake.

Wak̇aƞṫaƞka wauƞṡila ki he iyeċel wauƞṡila awaċiƞpo,” eye.

Jesus heye, “Oyate ki wiċalaṡic̄api ṡni kihaƞ niṡ-eya Wak̇aƞṫaƞka niyasupi kte ṡni. Oyate kihaƞ teḣiya owiċakuwapi ṡni heċel Wak̇aƞṫaƞka niṡ-eya taƞyaƞ oniċuwapi ktelo. Teḣiya oniċuwapi waƞ hena ewiċakic̄iktuƞjapo, heċel Wak̇aƞṫaƞka iƞṡ-eya enic̄iktuƞjapi ktelo.

“Waeṗe ki lena anamaġoptaƞpo, tuwe keyaṡ leċel eċic̄iyapi waċiƞ yelo; tuwa waḣtenilapiṡni eṡa hena uƞṡiwiċalapo. Na tuwe eya waḣtenilapiṡni eyaṡ waċewiċakic̄iċiyapi na uƞṡiwiċalapo. Tuwa aniṗapi na niḣmuġapi eyaṡ ṫokicʹuƞpi ṡni yo. Na tuwa ogle hiƞṡma niṫawa he niċi haƞtaƞṡ ogle mahetaƞhaƞ ki k̇o kʹu wo.

Taƞyaƞ niċuwapi yaċiƞ he iyeċel tuwe keyaṡ taƞyaƞwiċakuwapo.

Na tuwe eya waḣtenilapiṡni eyaṡ waċewiċakic̄iċiyapi na uƞṡiwiċalapo. Tuwa aniṗapi na niḣmuġapi eyaṡ ṫokicʹuƞpi ṡni yo. Na tuwa ogle hiƞṡma niṫawa he niċi haƞtaƞṡ ogle mahetaƞhaƞ ki k̇o kʹu wo. Wiċaṡa waƞji taku nic̄ila haƞtaƞṡ eċel kʹu wo. Na hetaƞ taku leċel yaglusote he hektakiya kiċa ṡni yo.

“Ċaƞ waƞji aiyeċetu ṡni haƞtaƞṡ waskuyec̄a waṡteṡte aik̇owag okihi ṡni na ċaƞ waƞji waṡte haƞtaƞṡ waskuyec̄a ki waṡte kte.

Waskuyec̄a hena taku ċaƞ ċa etaƞhaƞ iċaġe ki he oslolyewaṡte yelo. Ċaƞwiyapehe waskuyec̄a hena waṗeṗe etaƞhaƞ iċaġe ṡni.