Popular Bible Verses from Luke 7

Share

Ċa oċic̄iyake, wowaḣtani ota Wak̇aƞṫaƞka ekic̄iktuƞje ċa heuƞ wopila ṫaƞka uƞ uƞṡiicʹiye na ċaƞte mahel tokeṡke ṫawaċiƞ ki he leċel gluaṫaƞiƞ. Tuwa c̄ikʹayela wowaḣtani yuha ki he aiyeċelya c̄ikʹayela akic̄iktuƞjapi kte. Ho he c̄ikʹayela wauƞṡila ktelo.” Hehaƞl Jesus wiƞyaƞ ki hekiye, “Wana wowaḣtani Wak̇aƞṫaƞka enic̄iktuƞjelo,” eye.

Eyaṡ Jesus wiƞyaƞ ki hekiye, “Wic̄amayala ki uƞ Wak̇aƞṫaƞka wiċoni nic̄iyuwaṡte ktelo, ċaƞtewaṡteya gla yo,” eye.

Jesus yaƞke ki el ilazataƞhaƞ ċeya najiƞ. Ċeyiƞ na iṡtamniyaƞpi ki uƞ Jesus si kic̄iyujaja na ṗehiƞ ṫawa ki uƞ kic̄ipakiƞte. Wiƞyaƞ ki le Jesus si ki ipuṫake na mniwaṡtemna uƞ si akic̄aṡtaƞ.

Na el ċiu kte ki he nakuƞ imakipi ṡni yelo. Woiye uƞ apiyaye oyakihi ki he slolwaye ċa wowaṡi miṫawa ki le woyazaƞ etaƞhaƞ apiyayo. Miṡ-eya akiċita oiṫaċaƞ misamya eya iyoḣlateya wowaṡi eċamu welo. Na miyoḣlateya nakuƞ etaƞ wowaṡi eċuƞpelo. ‘Iyayapo!’ eṗa haƞtaƞṡ eċel eċuƞpelo. Na ake ‘Upo!’ eṗa haƞtaƞṡ eċel eċuƞpelo. Taku wowaṡi miṫawa ki he eċuƞ waṡi haƞtaƞṡ eċuƞ welo.” Jesus le naḣʹuƞ na lila iṫuƞṗe. Igluhomni na oyate eya ihakab-uƞpi waƞ hena hewiċakiye, “Le oċic̄iyakapi ktelo, Israel etu kʹeyaṡ wahehaƞl wowic̄ala waƞblake ṡni yelo!”

Wahehaƞl nakuƞ Jesus wayazaƞkapi hena apiwiċaye, nakuƞ etaƞ wak̇aƞ-ṡic̄a kaṡkawiċayuze waƞ hena wiċakiyuṡke na iṡtaġuƞġapi ota waƞyaƞgwiċakiye. John ṫawahoṡipi waƞ hena owiċakiyake, “Glapi na taku waƞlakapi na nayaḣʹuƞpi hena John okiyakapo. Iṡtaġuƞġapi ki hena wana waƞyaƞkapi okihipi na mani okihipi ṡni waƞ hena mani okihipi, etaƞhaƞ ḣaƞḣaƞpi-woyazaƞ-ṡic̄a waƞ hetaƞhaƞ woasni ic̄upelo. Nuḣċaƞpi ki naḣʹuƞ okihipi na wiċuƞtʹe etaƞhaƞ k̇o wiċayukinipelo, uƞṡikapi ki woṫaƞiƞ-waṡte naḣʹuƞpelo.