Popular Bible Verses from 1 CORINTIOS 14

Share

Eyacuiñajji ese queashajjaquijjo ojee mimianijo jjachichameequisapo-ajja poani. Jiquio miquiana ejjachichaqui ani peajaajjija esohuijo ojee mimiani oja esohui ojee huohuipea-aiaña jama sapo-ajjanei oya. Ohuaya ca quiana ca queapame jjachichameequisa-acani ma ecua pea meshijo ba'eca Jesosaja epeejjicuana jjachichaquipoquiani queapame jama pea-aiya.

Miquianaya ebionei jjashahuabaneiquicue peacuana queajeanee eapoquiajji. Jamaya queapamenee eba'epoquijji. Majoya oe Eyacuiñajjinijje mimicue Edojjoshahuapameja miquiana queaca'a epomeejjijo oja echacojji queapame eapoquiajji. Edojjoshahuapamejo queaca'a jjapomeequisaneipocue oja esohui queaja'anee huohuipoquiajji. Maya echacojji queapamenee.

Ma ca pea dejjaa Edojjoshahuapameya queaca'a pomeecaniya esohui queaja'a huohuicani onijje jjachichaquipoquiani Jesosaja epeejjicuana queaca'a etiipoquijji. Ohua jama sohuihuohuime acajje queabihui poani cuana pea onijje Jesosaja epeejji asahuajji. Peacuana queayeno ba'e oja esohui shajja-ajjamajje yenoama'yo poani.

Joya peajaajjija esohuijo jamatii oja bajjimaneijo mimiani dejja caca oe oyatii queaca'a tiipoquiani, oja mimi esohui peacuana asahua-ajja queaquehuajojo. Ma ca pea dejjaa Edojjoshahuapameya queaca'a pomeecaniya queaja'a oja esohui huohuicani onijje jjachichaquipoquianicuana Jesosaja epeejji queaca'a etiipoquijji.

Miquianaya Edojjoshahuapamejo queaca'a jjapomeequisaneipoani Eyacuiñajjija echacojji eapoquiajji. Jamajjeya ma miquiananijje jjachichaquipoquianicuana Jesosaja epeejji queaca'a etiimeesahuajji echacojji maya asanei acajji.