Popular Bible Verses from 1 CORINTIOS 15

Share

Jamajjeya ecue dohuecuana jjo'icuana ecuea queajeanee, queaca'a ba'epoquicuetii quiana oja esohuijo. Hueya-amanei chacochacopoquicue queabihuinee Emeshimeseneijo. Miquianajaya eba Emeshimeseneijo queapame chacochacopoquimajje oja quiacuana queapamenee jjesheje ma sosejje, jamatii pojjeama chacochacoani quiana.

Jjeya ca eseyaya Eyacuiñajji gracias apoquiaña ohua eseja Emeshimesenei Jesosa Quitojo eseya nahuecapoqui'yaniyajjejojoya. Majoya eseya quea-ohueshatii Cuaqui-aiyasijje epoqui'yojjitii pojjeama poaje'yo eseja mimishijo.

“¡A'a quiana peacuanajo jjadasiameequijji! Bacue, joya dejja queamimishinijje jjapeequianicuana o jayojja pea-ai jjashahuabaquime poaje queamimishi pea-aiya.”

Eyacuiñajjiya caca oe eya queapamenee acapoa ojayanei ejjashahuabaquijjijo jamatii eya queamimishi ba'e. Jamajjeya ohuaya eya babacacapoa ona sohuihuohuiquinequijji epojji. Jamatii pojjeama ohuaya eya queapamenee acapoa ojayanei ejjashahuabaquijjijo, jamajjeya eya hueya-amanei ojo chacochacopoquiani. Ma ecua pea oja babacacuana chacochacopoquiani jama pojjeama eya queahuisonee chacochacopoquiani ojo. Eneitii pojjeama ca iña chacochacopoquiani ojo. Eyacuiñajjiya ca eya queapame chacomeesahuacani.

Jjeya ca eseya mano'yomajje Eyacuiñajjijo ejjasejjaqui'yojjitii pojjeama poaje'yo. Jjeya ese mano'yojji epojja ese queaneetii pomeejji pojjeama'yo” jama tehuemeya acapoa yahuajonei. Ebionei eseya queameteneetii popoquinaje emano'yojjijo Eyacuiñajjiya eseya queaneenee pomeecaje'yo eseja mimishijo jjabaquimajje. Moisesja tehuecuaa eseya huohuicani quea-esejamimishihuisotii poani, quea-Eyacuiñajjihueshatii nequipoquije'yo eseja mimishicuanajo.

Baneicue jiquio jjeya eya huohuije esohui miquianajaya bajjima so'o. Jama poani ba'a: Beca eseya emano'yojjitii pojjeama poaje. Jamatii Eyacuiñajjiya eseya ojjañatii pea eyami eyacua quiacaje'yo emanobeca'yojjitii pojjeama poaje'yo. Ma epojja eseya pea eyami epo'yojji apoa poajo ohuaya eseya pea eyami quiacuajicaje'yo, oe capicapi poani jama acuajicaje'yo. Baasa' janobajjimanei miasajajeacaje shajja-ajjaje. Majoya ojjaña Jesosaja epeejji emano'yocuana shequimeecaje'yo, emanobeca'yojjitii pojjeama poaje'yo. Joya eshetii ojaya epeejji ba'ecacuana ca pea eyami quiacuajicaje'yo jamatii mano'yojjima eshe ba'e.

Bacue, oenei dejjajoya ojjañatii eseya manopoqui'yani. Oya jayojjaya oenei dejjajoya ojjaña eseya shequimeepea-aicaje'yo. Eseya ojjañatii Adanja osecuaja jeajjejojoya manopoqui'yani. Oya jayojjaya Eyacuiñajjiya ojjaña eseya shequimeecaje'yo Quitojo eseya onijje ojee nequi ojaya'yo bacanijojoya.

Jiquio eseja eyami quijje manoje'yo ma ca pea emano'yojjitii pojjeama poaje'yo. Jiquio jjeya eseja eyami ese mano'yajo ihuije'yo, ma ca pea eihui'yojjitii pojjeama poaje'yo.

Jamajjeya jjeya Quitohua ojjañacuana huoojeacapoquiani so'o Eyacuiñajjija joya o sapo-ajjaneitii poanicuana jeabichajeajeyo'yojjimahua. Majoya ojjaña joya o sapo-ajjaneitii poanicuana jeabichajeajeyo'yomajje Eyacuiñajjiya eseya emanopoqui'yojjitii pojjeama pomeecaje'yo. Joya emano'yojji ese queayenonee pomeejji poani chama'yo acaje'yo.