Popular Bible Verses from Aramid 4

Share

Itu nga e̍ Je̍sus ngas met ya makaisalakan ka toley, ta awan sabali nga kinaturay iya lubung nga nipaay ne̍ Apu Diyus nga mangisalakan dactida,” kunen na.

Ket kalpasan nito panagkararag da, nayegyeg met to baley nga edyan dan. Ket niturayan niya Ispiritu Santu da nga amin, ket natured da ngarud nga nangibaga iya kagi ne̍ Apu Diyusin.

Ket itan, Apu, emmum pe̍ ya pamanpansing da dakami. Tulungan nakami kuma, dakami nga agsirsirbi ikew, tasun agtured kami kuma nga mangibaga latta iya kagim.

E̍ Je̍sus met ya kaiyarigan nito naisurat iya Bibliya maipanggep ito batu nga nitemsit ngas dito nagpatdec. Ta di kayu met gabay, ngem nagbalin met nga kangrunaan nga panuli yin.

Ket nasdaaw dito kunse̍hale̍s iya kinatured de̍ Pe̍dru nge̍ Juan nga simungbat igida. Ta naemmuwan da nga kadawyan nas nga toley didi nga duwa, se̍ di da pe̍ nakaadal iya Linteg Hudyu. Nalagip da pe̍ yin nga kinabkabulun didi nga duwa nge̍ Je̍sus itun.

Ket is-isa ya panpanunut dito mamati nga sangkabungguy, se̍ is-isa pe̍ ya tarigagay da. Nagraramanan da diya amin nga sansanicwa da, nga madi da ngarud nagiinnimut kadiya kukuwa da.