Popular Bible Verses from Aramid 5

Share

Ket simungbat ngarud nge̍ Pe̍dru se̍ diya duduma nga apustule̍s nga kinunen da, “Napatpateg met dakami ya panagtungpal e̍ Apu Diyus ngem iya panagtungpal iya bilin toley.

Ket inalgew nga nawe̍ da iya Te̍mplu se̍ kadiya babaley, nga pe̍yeng da nga mangisursuru se̍ mangikaskasaba iya Makaparagsac nga Damag, nga e̍ Je̍sus, ket igina ya pudnu nga Kristu nga nibon ne̍ Apu Diyus.

Ket kinunen ne̍ Pe̍dru igina, “Ananyas, ape̍ pinalubusam nge̍ Satanas nga mangituray ikew, nga agbusid ka iya Ispiritu Santu win? Ta binatim met ya duduma nga bayad nito ginet mu. Kuwam met to ginet itun, ito madi pekkem nailaku. Ket orey to nilaku mun, kuwam met pe̍ to bayad na, ket madi ka met napilit nga mange̍cde̍. Ngem ape̍ nilibac mu ya kinapudnu maipanggep iya binatim? Bekken nga dakami nga toley ya binusidam, no di lugud e̍ Apu Diyus!” kunen na. Ket apaman nga nagicna ne̍ Ananyas to kinagi ne̍ Pe̍dru, nalicwad met nga natey yin. Ket nansing ngarud diya amin nga nakadamag idi.

“Itu nga agten pe̍ iyan didi nga toley. Ya kunec, ket madi tida kuma nga piliten da. Madi tida da kuma nga bibiyangan, ta no tumaud ngas ka toley diya pangpanggep winno wangwanglen da, awan mettas nad pagbanbanagan na. Ngem no e̍ Apu Diyus nga tutu ya nangibon igida, ket pulus ngarud nga madi tida maabac da, orey nagan na ya pampamaayen tida igida. Ket no agten iyan, kaynun no e̍ Apu Diyus lugudin ya kuntraen tidan.” Itu yan to kinagi ne̍ Gamalye̍l kadito kunse̍hale̍s. Ket nipangag da ngarud to kinagi na.