Popular Bible Verses from Matyu 24

Share

Ket gapu iya lumallalu nga kinadake̍c iyan nga timpu, madi nad gabay diya kaaduwan ya mangayatin, nga arig nga bumaaw nad ya ayat dan. Ngem maisalakan nad met ya makaitured kadiyan agingga iya panagpatingga da.

“Ket idi nga Makaparagsac nga Damag maipanggep iya nadiyusan nga panangituray, maikasaba nad iya amin nga lubung, tasun uwed kuma pakaemmuwan diya toltoley kadiya amin nga pagiliyan. Ket kalpasan nad nidi, agpatingga yani nga timpu win.”

Ket magicna nu nad ya uni diya panaggubat, se̍ madamag nu nad pe̍ iya sapsaput diya toley maipanggep ka gubgubat. Ngem masapul nga madi kayu mariribukan kadiyan. Ta masapul ngarud met nga mon-ona nga mapasamac diyan, ngem bekken nad pekkem nga itu ya panungpalan.

Tutu met yan, ta aggiginnubat nad met diya pagpagiliyan, agten met pe̍ diya pagpagariyan. Uwed da nad met pe̍ panagbisin se̍ yegyeg kadiya nadumaduma nga lugar iya lubung. Ngem amin diyan, ket damu na nad pekkem mas nga arig nga panangrugi ngas niya panagpakiskis niya isa nga aganac.

No ya abac lawa se̍ ya lubung ngi, uwed nad met panagpatingga da. Ngem diya kagic nga gennung, pulus met nga awan panagpatingga da.”

Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken ya Kristu!’ kunen da nad met. Ket iya agten iyan, adu nad diya maiyaw-awan da.

“Ket iyan nad nga timpu, iyawat dakayu kadiya mangirurumen dakayu. Ket uwed nad pe̍ dakayu diya mapatpatey. Ket guraen dakayu ngarud nad diya toltoley kadiya amin nga pagiliyan, gapu mettas iyaken. Ket iyan nga timpu, adu nad diya mangipalikud iya panamati da, ket aglilinniput se̍ aggiginnura da nad pe̍. Se̍ adu nad diya agparang nga mangikasaba ka busid, ket adu nad met diya maallilaw da.

Ket kinunen ne̍ Je̍sus igida, “Agannad kayu ngarud tasun awan kuma mangiyaw-awan dakayu maipanggep iyan nga timpu.

Ket agten kayu pe̍ iyan, nga masapul nga sisasagana kayu. Ta ya Anac nga Naipatoley, umbe̍t nad pe̍ iya bekken nu nga pagpagarupen nga uras.”

“Dikad pe̍ no dakayu, sisasagana kayu kuma pe̍ nga pe̍yeng, ta di kayu nga emmu ya algew niya umbe̍t nad niya Apu nu.

“Ngem no maipanggep iyan nga algew se̍ uras, awan met makaemmu maipanggep kadiyan, orey diya anghe̍le̍s ka langit, winno ya Anac. Ta yan nas Ama ya makaemmu iyan.

Ta uwed da nad agparang nga sinan-Kristu se̍ sinan-mammadtu. Ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma orey diya pinili ne̍ Apu Diyus nga toley na.

“Ket no kumaan to kasasaad dito toltoley ito timpu nito Nue̍ itun, ket agten nad met iyan ya kasasaad diya toltoley iya timpu nad niya umbe̍t niya Anac nga Naipatoley. Ta ito timpu sacbay nito layus itun, nitultuluy ngas met dito toltoley to winangwangel da nga nangnangan se̍ nagin-inum, se̍ nagaasawa. Itu ngarud met to winangwangel da latta, agingga ito algew nga imuneg de̍ Nue̍ ito daung. Ket dito toltoley itun, madi da met nalasin to timpu. Ket pagamwan da, uwed met to layusin, ket naiyoloy da nga aminin. Ket agten met iyan, nad no umbe̍t ya Anac nga Naipatoley.