Popular Bible Verses from Matyu 27

Share

Ket ito mangalas tre̍sin, pinumkaw met nge̍ Je̍sus nga kinunen na ka nabileg, “E̍li, E̍li, lama sabactani?” nga kayat na nga kagiyen, “Diyus ku, Diyus ku, ape̍ nga binaybay-an nac?”

Ket enna Te̍mplu, napigis mettin itun to kurtina nga nanglinged iya uneg na, nga nagudduwa mettin manipud iya ngatu, nga nanglacpus iya gayad na. Nangyegyeg met pe̍ itun, ket nab-abka diya pinasin. Ket nalukatan pe̍ diya tamtamen nga uwed iyan, ket adu diya natey yin nga toltoley ne̍ Apu Diyus nga nagungar met itun.

Ket e̍ Je̍sus, nagpekkaw manin ka nabileg, ket nipalubus na nga nauyus ya anges nan.

Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.

Ket ito matuunin itun, gimicbet met ya amin nga lubung antuni nin, ket nagpaut to gicbet agingga ka alas tre̍s iya gidam.

Ket e̍ Pilatu, kinunen na igida, “No agten iyan, nagan ngarud ya gabay nu nga pamaay ku e̍ Je̍sus nga maawagan ka Kristu?” kunen na. Ket kinagkagi da nga amin nga kinunen da, “Mailansa kuma ka krus!” kunen da met. Ket kinunen manin ne̍ Pilatu, “Ape̍ kadi? Nagan ngarud ya basul na?” kunen na. Ngem nakarkaru lugud to panangip-ipkaw da nga kinunen da, “Mailansa kuma ka krus!” kunen da met latta.