Popular Bible Verses from Lucas 12

Share

Jau chömöledö, naukwabo̧ma jojodö wajwitjonö tebacho̧, ja̧danö ötjö chichakwa̧bi jojodö wajwitjonö chichakwo̧sa. Jo̧kwajabetjö̧ ba̧kwȩlö̧jatebö te'ada̧lö kwö̧jaduwo, ötjö jojo baibanö jeminökwe chichibakwa̧ma, ina ichökena jö̧ba̧lö kwomukwataduwonö badekwachakobetjö̧— jö̧ba̧lö yöawinobe Jesúsma.

Jo̧kwajabetjö̧ ja̧ jawa omukwatökönö kwö̧jaduwo chömöledö. Ja̧ jawa omukwatökönö jwaikwöda Dios la'aka luwo̧ ö̧jakwa̧ jawada isakwö kwö̧jaduwo. Ja̧danö chömöledö, jwaikwöda Dios la'aka luwo̧ ö̧jakwa̧ jawa isakwö kwö̧jaduwiökwe, Kwabe'doma isabenö ökwödönö ite'ada̧lakobe, kwakwawabi, owawabi, 'dukawaduwakwa̧bi jo̧bada ökwödönö te'ada̧lö iyakobe.

Ja̧danö jejenö atadajo̧ Jesúsma tupakwö yöawinobe: —Chömöledö, te'ada̧lönö kwö̧jaduwo, jwaikwöda kwemaduwotö jö̧ba̧lö isakwö kwö̧jaduwapji jö̧ba̧lö. Jau chömöledö, ju'wedö tjomukwatena nöinö chujuna̧litjö̧ma otiwanö chö̧jena, jo̧kwaijayonö ja̧maökö. Isabenö ja̧kwawa mikwawi̧ma, nöinö tjujuna̧li̧ jawadamaökö chömöledö— jö̧ba̧lö.

Jau chömöledö, mölejȩbetjöda ko̧ko̧dö kwödaduwobö kwisakwaduwo. Baikwö yötawa: Nöinö mikwawi̧ jawa böjȩtjö juna̧ladöma, jwaikwöda böjȩ jawada omukwatadö, ja̧danö mölejȩbetjö nöinö mikwawi̧ jawa juna̧ladöma, jwaikwöda mölejȩbe jawada omukwatadö, ¿jö̧tö? Jo̧kwajabetjö̧ mölejȩbetjöda ko̧ko̧dö kwödaduwo nöinö mikwawi̧ jawama, jobe jawada omukwatö kwö̧jaduwakobetjö̧— jö̧ba̧lö yöawinobe Jesúsma iteda öba̧ja̧di̧ waisachadönö.

Ja̧danö chömöledö, Aaa, ¿dakwö ja̧bö lekwe chö̧jakwa̧jö? jö̧ba̧lö kwomukwataduwi̧ma, ajayitjö bajalekwönönö lekwe kwö̧jaduwobö ¿pjaatenaji̧? Pjaatokobe chömöledö.

Jemi ikenama Jesúsma iteda öba̧ja̧di̧ waisachadönö yöawinobe: —Böjȩ jawama nöinö mikwawokobetjö̧ baikwö yötawaduwakwö chömöledö: Böjȩnö kwö̧jaduwi̧ jawama omukwatö kwö̧jaduwoko, Aaa, ¿taji dukwakwa̧jö? ¿taji 'dudawakwa̧jö? jö̧ba̧löma.

Jobadönö omukwatitjö̧ma ¿ökwödönöbi omukwatökenaji̧? Isabenö ökwödönö omukwato̧ chömöledö, otiwanö ökwödönö ite'ada̧lakobetjö̧. Jau chömöledö, isabenö otiwanö waiso̧ Diosma ökwödönö. Okobe jwiinö kwöwö'yebi waiso̧, dokwa ba̧jekwa'yebiya jö̧ba̧lö. Isabenö ökwödönö waiso̧ Diosma chömöledö, jo̧kwajabetjö̧ yekabiduwa, Diosma ökwödönö omukwatökena jö̧ba̧löma. Jau chömöledö Diosma pji̧yu̧nö omukwatö ite'ada̧litjö̧ma, isabenö ökwödönöbi ite'ada̧lakwo̧. Jau chömöledö, Dios edemi, ökwödöma pji̧yu̧ ba̧jekwadötjö bajalekwönönö nöinö mikwawadöja— jö̧ba̧lö yöawinobe Jesúsma.

Jejenö jo̧be, jo̧kwajabetjö̧ ökwödö cha̧jwi̧mu chite'ada̧lawö̧ o̧bȩja̧dödanöbedönö baikwö yöta̧la: Yekabiduwa, Kwabe'doduwi Diosma otiwanö ökwödönö iyobö ösödobetjö̧. Jau chömöledö, Kwabe'doduwima isabenö otiwanö ökwödönö iyobö ösödo̧, ja̧danö jejenö iyobö ösödobetjö̧ iteda la'aka luwo̧ ö̧jenabi ökwödönö iyakobe. Jo̧kwajabetjö̧, jwidena jö̧ba̧lö yekabiduwobö jwiobe yelösöda chömöledö, Diosma isabenö otiwanö ökwödönö te'ada̧lö iyakwo̧, jö̧ba̧lö.

Mikwawöködö bo̧lö̧nö omukwatö edaduwi chömöledö. Jobadöma batjo lödö, ja̧danö wa̧ji̧ emö ¿tjotidobeji̧? Jobadöma kwakwawa ko̧ko̧dö, kwakwawa lödawejunö ¿tjödobeji̧? Jejenöma otidöködö chömöledö, jo̧kwaijayonö ja̧ jawa tjotidököjayonö Diosma jobadönö kwakwawa iyö ite'ada̧lobe, ¿jö̧tö? Ja̧danö chömöledö, Dios edemi ökwödöma jobadö bo̧lö̧nötjö bajalekwönönö mikwawadöja, jo̧kwajabetjö̧ jobadönö ite'ada̧litjöma, ökwödönöbi ite'ada̧lakwo̧ chömöledö.

Diosma isabenö ökwödönö ite'ada̧lakwo̧ chömöledö, jo̧kwajabetjö̧ Diosda te'ada̧lö iyakwo̧ jö̧ba̧lö, kwukwaduwakwa̧bi, kwowaduwakwa̧bi kwisakwaduwoko, ja̧danö ja̧ jawa omukwatö kwo̧'wo̧ tjo̧kekwaduwoko chömöledö.

Jau chömöledö, ja̧ o̧bubiyama, babe ji̧jayonö, itekwayi juwö lotjakwa̧. Ja̧danö, ja̧ juluwanö juwö lotjakwa̧ o̧bubiya Dios otiwanö ite'ada̧litjöma, ökwödönöbi ¿ite'ada̧lökenaji̧? Isabenö otiwanö ökwödönöbi pjabatö te'ada̧lo̧ chömöledö. Jau chömöledö, Diosma otiwanö pjabatö chite'ada̧lakwo̧sa jö̧ba̧lö yöbawö ujuninobe, jo̧kwaijayonö, ina dö̧ji̧ jawa ¿dakwö ja̧dakwajö? jö̧ba̧lö omukwatadöja chömöledö. Ja̧danö, jejenö omukwatö kwi̧sebaduwobe, ina Dios chite'ada̧lakwo̧sa jö̧ba̧lö yöawi̧ omukwatökönö kwö̧jaduwi̧ma.

Jobadö tjomukwati̧danöma kwomukwataduwa chömöledö. Isabenö yötawaduwakwö: Okobe jwiinö babe öwawökö ji̧ jawama, tupakwö öwawakobe, ja̧danö okobe jwiinö babe jojodö tjöwaisapji jö̧ba̧lö tojö tjujuni̧ jawama, okobe deinö tupakwö tjöwaisakobe.